| 張栢芝忽然風趣 |
向來熱愛水上運動嘅張栢芝，趁兩個仔仔漸漸長大，冇咁黐身，最近復出滑水界，仲畀網友影到佢去買滑水用具。
日前東姑喺銅鑼灣時代廣場撞到栢芝，大熱天時着住件牛仔褸嘅佢，曬到成個「黑珍珠」咁款，塊面仲紅卜卜，睇嚟呢排練水都練得幾密。當東姑問佢呢排係咪成日游水時，佢就笑笑口話：「係呀！仲滑雪添！」聽到東姑一頭煙。雖然答非所問，但栢芝最尾都好有禮貌咁同東姑講拜拜，先入「車立」去停車場攞車。
最近瘋狂滑水嘅栢芝，曬到成粒「黑珍珠」咁，兩頰仲曬到見紅。
九唔搭八一輪後，栢芝禮貌地同東姑揮手道別。
工作量大減嘅栢芝，就算同巿民一齊搭「車立」亦冇人望，認真陰功。
早前有網友喺銅鑼灣撞到栢芝買滑水板。
栢芝閒時都會帶埋一對寶貝仔去滑水，當親子活動。
全站熱搜
留言列表
