夏日濕身鬥一番 莊思敏、梁政上演Fight Cup
無為呢個夏日力谷收視，不惜大灑鹽花，於宣傳「2013 Amazing Summer」《反斗紅星放暑假》時，由一班身材有番咁上下女星，包括有莊思敏、梁政、白雲、陳庭欣等人，以三點式泳裝上陣，到泳池大玩遊戲，而每位女星都會獲派一件tee，等佢落水後可以有透視效果，又唔怕會出現飛bra走奶火辣情景。
不過現場所見，一班女星為出位就奇招盡出，人人化身時裝設計師，將件tee大改造，跌膊、低V、露臍不特止，有重將件衫剪到得番少少布碎著上身，D、F奶大平賣，人人未落水已經豐乳同露，而成班女仔之中，講到重量Cup必屬白雲同梁政莫屬，而後天加工莊思敏亦唔輸蝕，三大乳神泳池邊已經鬥一番。
當日莊思敏將件tee改造成大跌膊，咪咪即時大解放，事業線出盡風頭，連企佢身邊沈卓盈都忍唔住望多兩眼，而梁政則露出蛇腰反擊，可惜池邊威威莊思敏，日佢撞月事臨，成班女仔落水玩遊戲，佢就只可以企埋一邊，呢個時候身材豐滿白雲，一落水即時有air bag立體效果，令人噴晒鼻血，而玩遊戲時白雲重越玩越high，竟然請同場陳國峰拳頭食波餅，白雲入水後搶晒鏡，另一位同佢差唔多肉地蔡慧欣，即時好醒目咁潛埋去白雲身邊，上水後重形影不離，組成豐乳版twins，成功攝位。
豐乳組成功搶鏡，其他女仔有見及此，當然唔會執輸，好似陳庭欣就玩得好癲放，濕晒身佢，以M字腳姿勢坐池邊，動作惹人遐想，而另一邊較為斯文沈卓盈，烏低身拉其他人上水時，即時拋出北半球宴客，不經意一露已經贏盡大家焦點，呢個時候因為冇份落水而俾人搶晒風頭莊思敏，一個絕地反擊，90度烏低身扶起跌低白雲，即時晒出人字波，唔使濕身都可以增加曝光率，胸大一樣有腦。
放大圖片
全站熱搜
留言列表
