「綠魔」Karl孖Carol 著情侶裝旺角出巡
《求愛大作戰》雖然曲終人散，不過早前一班參加者、導師和幕後人員早前一同做宣傳外，還相約一齊外出！日前好姨就撞見Karl、Sharon、Rocky、Carol等活動後現身旺角食宵夜。Karl當晚帶住大家去食糖水，重話佢請客！雖然有唔少路人認得佢，但大家見Karl咁客氣，亦好俾面坐低齊齊食。
不過食食糖水，Karl發現銀包唔夠錢找數，所以特登孖住Carol行去附近櫃員機錢。雖然Karl當日無著佢最愛綠衫，亦無颱風頭，造型唔突出，不過佢就同Carol齊齊著黑色波點衫，十足情侶裝一樣。兩人並肩而行，唔識以為佢兩個係一對，感覺上Karl亦即時Gay味減退！ 原來當晚Justin無參加聚會，唔怪得同佢一對Carol，會成晚黐實Karl啦！錢後，Karl重特地買本《3週刊》睇，似乎睇緊有關自己報道。
其實依家Karl有知名度，於人頭湧湧旺角，真係行到邊都有唔少人認得佢，所以不時有途人對佢眼望望，亦有人舉起手機影佢呢！點都好啦，今次《求愛大作戰》阿Karl出晒位外，重識到一班好朋友，有賺無蝕啦！
放大圖片
全站熱搜
留言列表
