同你吟一吟
梁琤硬淨贏嘉欣 BB
無綫見《飛虎》收得，今年決定安歌開第二集，上個禮拜四（六月二十七日）舉行試造型記者會，男主角馬德鐘留低無綫簽兩年部頭約，有得冧庄拍續集，宣萱唔玩，女主角換咗鍾嘉欣。
喺劇中飾演刑事情報科探員，嘉欣 BB話佢個角色有躁鬱症，為人暴力火爆，兩隻手滿布疤痕，嘉欣 BB形容今次係破格演出，希望拍完呢套劇，可以甩走「 BB」稱號喎。
就算嘉欣 BB幾好戲，外形同聲線始終會有局限，反而好耐冇返無綫拍劇、本身打女出身嘅梁琤，莫講話外形 keep得好，揸支槍擺甫士影相，都比嘉欣 BB入型入格。
記者會前一日（二十六日），《壹》仔見到梁琤响銅鑼灣素顏睇傢俬，數數手指，已經四十三歲，唔化妝，皮膚隨時勝過後生一大截嘅嘉欣 BB！
劇情需要，嘉欣 BB雙手滿布疤痕，但呢位 madam揸槍點都唔及梁琤咁有格。
延續上集劇情發展，唯唯同肥苟由情侶升格做夫婦，唯唯「老婆」肥咗之餘，仲差啲用支槍撞爆「老公」下體同塊面，撞鬼囉！
梁琤素顏睇傢俬，外表保養得宜，同樣好耐冇返無綫拍劇嘅曾航生，亦俾人笑食咗防腐劑，外表無老過。
全站熱搜
留言列表
