已經搬返新加坡嘅 Race，今次專登返香港陪家姐 Rosanne生 BB，仲幫手去嬰兒用品店入貨。
同你吟一吟
Race中環學餵奶
盛傳 Race黃婉佩早排主動翻撻向佐，可惜神女有心，襄王 say no，金龜一去冇回頭， Race決定離開傷心地，搬返新加坡，而家响嗰邊讀緊商科碩士課程，將來畢業打算幫爸爸打理地產生意，不過因為上個月，家姐 Rosanne為牙醫老公 Derek再添多個寶貝仔， Race先至飛返香港，幫手照顧 BB。
Rosanne未坐完月，加上要餵人奶， Race除咗幫手照顧家姐個大仔，仲要做埋跑腿，買 BB用品。
當日 Race孖住細妹 Rhonda，去中環一間大型嬰兒用品店，行到奶嘴貨架，兩姊妹頭岳岳，之後攞住個電話篤來篤去睇相，估計因為未做過媽咪，驚買錯，最後要嗌職員過嚟幫手，原來 Race想買模擬媽咪乳房嘅大 size奶嘴，職員除咗教佢揀款，再抱埋個假 BB公仔教埋佢點用。
買完奶嘴，再行去奶樽貨架，細妹 Rhonda揀咗一黑一白奶樽再行去埋單。買完 BB用品， Race同細妹去買雪糕，再大熱天時行條長命樓梯離開。以前係向家新抱仔， Chanel任買司機任用，家陣要著住三吋高踭鞋行到身水身汗，真係今時唔同往日。
職員抱埋個假 BB公仔過嚟（箭嘴），教 Race點用同點揀，大陣仗！
上月中 Rosanne剖腹誕下８磅二仔，細妹 Race留港幫手湊 BB之餘，仲要代家姐湊大仔返學。
全站熱搜
留言列表
