自立門戶的阿戚對公司裝修很着緊，連日來都會與同居女友到場視察，不假手於人。
探熱針
齊人之福 陪完正印氹二廠 戚其義溝女兩更制
有金牌監製之稱的戚其義，今年一月離開任職廿年的無綫自組製作公司，公司裝修已搞得七七八八，阿戚亦開始籌備自家製的頭炮劇集，並落實陳豪做男主角。
早前，阿戚與圈外同居女友返位於大角咀的新辦公室搞裝修手尾，送正印返屋企後，即飛車出去陪緋聞女友簡慕華睇戲，左右逢源！
頭炮陳豪孭飛
離開無綫前最後一炮《金枝慾孽貳》收視低兼口碑差，卻毋損戚其義的招牌，自立門戶的他，已着手籌備九月開拍創業作。
「阿戚年頭離開無綫後，本來提過會同周旭明（編劇）一齊搞製作公司，但之後又好似冇咗周旭明份，而家公司都差唔多裝修好，嚟緊九月會開劇。雖然《金枝貳》仆咗，但阿戚根底厚，唔少內地老細都想同佢合作，投資佢拍劇，佢公司頭炮男主角 confirm咗係陳豪，黃德斌亦會幫手，女主角有傾過佘詩曼，但未有最後定案。」知情者說。
早
新公司位於大角咀的辦公室裝修接近完工，阿戚與同居女友返公司睇裝修。
阿戚與圈外女友同居於西貢，很多時都會一起在西貢市中心買日常用品。
晚
送完同居女友回家後，阿戚衫都冇換，就趕去 apm會合緋聞女友簡慕華，買爆谷睇戲。
戚其義開設製作公司，主力拍劇集，但也會拍電影及廣告。
「話晒喺無綫做咗廿年，阿戚夠晒經驗，以前嘅《金枝慾孽》已經幫佢打通咗內地市場，唔怕無路數。」
自組公司的阿戚，頭炮劇集找來陳豪做男主角，好友黃德斌也會參與在內，女主角雖未落實，希望請到佘詩曼幫手。
雖然《金枝慾孽貳》的收視口碑均不好，但阿戚卻沒受影響，依舊有很多人找他寫劇本開劇。
忙足一日，阿戚約了緋聞女友簡慕華與好友黃德斌睇戲，輕鬆一下。
約簡慕華睇戲
事業運強，自己做老細有內地水喉射住的戚其義，桃花運更不差！九二年與拍拖七年的邵美琪分手後，便一直有傳他與無綫的簡慕華拍拖，但同時，阿戚亦有一位圈外女友。
早前，本刊發現戚其義與女友一齊離開西貢寓所，揸車到位於大角咀的新寫字樓，二人逗留至傍晚時分，阿戚送了女友返西貢，但一小時後，又急急外出，飛車到觀塘 apm。原來，他約了簡慕華及黃德斌等人睇戲，入場前，阿戚陪住「二廠」買爆谷汽水做觀音兵。日、夜兩更唔同女，戚其義時間分配得啱啱好。
人才流失
這陣子，無綫劇集口碑低處未算低，由吹到大一大的《神探高倫布》開始，收視一直無起色，當中關鍵不外是無綫留不住一班有料到的監製及編劇，而早在戚其義自立門戶前，名牌監製劉家豪、梅小青便夫婦檔跳到 Now，而跟李添勝合作無間的編審張華標，亦被人高薪撬走，拖馬離場。
劉家豪、梅小青
曾是無綫王牌監製的劉家豪及梅小青夫妻，去年齊齊劈炮過檔 Now TV，更升格成為製作部總經理及製作部副總經理，負責與內地的製作公司合作拍劇，現正為開拍大型古裝電視劇《大漢賢后——衞子夫》做籌備，打入內地市場外，還會將劇本翻譯成英文版本，走向國際。
張華標
張華標是無綫的金牌編審，曾夥拍李添勝、劉家豪製作《巾幗梟雄》、《溏心風暴》系列，戰績彪炳，為無綫攞晒彩！ 2010年，黎智英重金挖角，張華標離開服務了廿多年的無綫、還帶走編審朱鏡祺等人；去年，他由台灣壹電視回流香港，轉投王維基的 HKTV，準備大展拳腳。
撰文、攝影：娛樂組
留言列表
