同你吟一吟
李詩韻預告倒奶
自無綫新劇《熟男有惑》播出後，收視由初段高開 31點，最後跌到得番 24點。要綁實班觀眾，星期日（六月三十日）《熟男》總動員去將軍澳商場做宣傳，當李詩韻跪低餵李思捷食泡芙，唔小心成個跌落地，裙同腳都黐到忌廉，出名多口嘅李思捷嚟料：「做乜咁多白色液體？」
講完有味笑話，再玩蓮步舞，兩個仲要咬住塊麵包，幾乎嘴貼嘴。玩到咁癲，李詩韻希望可以幫到收視：「如果平均收視去到 30點，我會著背心表演倒立！」
預告倒奶救亡，但效果一定唔及資深演員蘇恩磁，劇中已經多次晒事業線，當日活動繼續低胸，以 60歲之齡示範熟女有惑。
已經 60歲嘅蘇恩磁，獲網友力讚事業線「 so deep」，當日仲同曹永廉一齊咬住士多啤梨跳蓮步舞，繼續晒心口。
全站熱搜
留言列表
