崔始源最識做,自知扮女人嚇親粉絲,所以再剝衫半裸番粉絲,呢招掂呀!
出外埠
SJ演唱會 騷肌冧粉絲
韓國天團 Superjunior( SJ) 15及 16日一連兩晚喺香港亞博舉行「 Super show5」演唱會,兩場都唱足三粒多鐘,絕冇欺場。演唱會上面,貫徹佢哋一向爛玩宗旨外,人氣王圭賢更運用佢嘅語言天賦,以廣東話叫粉絲做「寶貝、甜心」,而始源則使出看家招數——晒肌,引到粉絲嗌到拆天。
SJ演唱會,名模周汶錡亦有捧場。 SJ吸引力果然犀利。
唱到瞓地開開吓演唱會竟然全部成員瞓地,呢啲除咗 SJ外,肯定再搵唔到第二隊組合夠膽咁做。
肉麻晒籮晟敏風騷晒籮,可惜圭賢、崔始源唔領情。成員冇眼睇唔緊要,最緊要粉絲受。
名模捧場唔講唔知,原來周汶錡竟然係佢哋粉絲。仲大讚佢哋睇得唱得又跳得喎!
婚紗應援SJ成員玩得癲,估唔到佢哋粉絲一樣玩得放,當成員唱《 Merry U》時,粉絲竟然着住婚紗應援。
基情洋溢始源同圭賢,東海跟赫在呢兩 pair一向俾粉絲話佢哋有曖昧,佢哋喺台上亦不避嫌,又抱又錫。
唱完即走因為部分成員有日程,所以完騷後,即趕凌晨機返韓國。真係辛苦晒!
完騷時,全體成員又再晒「韓式廣東話」,圭賢嗌:「你哋係我嘅北鼻(寶貝)。」啲音愈歪,粉絲愈是開心大叫。
全站熱搜
留言列表