媽咪姐

郭政鴻　愛妻號

近排滕麗名同陳年舊男友魏駿傑隔空罵戰，男嘅呻同女友拍得耐冇激情所以唔結婚，女嘅就自爆男方分手後，多番求復合。臭屎密冚，媽咪姐都係嗰句，相嗌唔好口，大人大姐咁鬧法，對兩個形象都唔好嘛！

 

魏駿傑把口唔收俾人鬧冇風度，至於同樣係阿滕舊男友嘅郭政鴻，就聰明得多。同阿滕拍拖咁耐，郭政鴻就否認咁耐，有咩手尾都唔易上身啦。前幾日，媽咪姐仲見佢拖實同佢生咗兩個女嘅老婆，拍拖去街市買餸，即使買棵葱都同老婆有商有量，恩愛度爆燈。舊嘅唔去新嘅唔嚟，魏生阿滕，不如嘈少句跟郭政鴻學嘢罷啦！


郭政鴻同老婆日前到九龍城街市拍拖買餸，其間郭太輕搭老公仔條腰，十分恩愛。 

兩公婆拍拖行街市行足 45分鐘，買斤菜都有商有量，最後郭政鴻更幫手拎晒所有餸，錫老婆錫到燶！ 


滕麗名同魏駿傑拍拖多年，家陣一個有妻有女，另一個有未婚夫，但為咗啖氣搞到隔空罵戰，醜死鬼！

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄