威過威廉王子！（設計對白）三個女助手，兩個負責攞行李，一個負責拎證件，仲有兩個彪形大漢作狀做保鑣，難怪甄子丹可以捽住手指， chok出自信表情。 

媽咪姐

甄子丹大陣仗

倒模康城影展嘅「上海國際電影節」上周六（ 15日）正式啟動，唔少中港台演員當然把握時機 sell吓自己啲戲啦！有份參與 3D電影《大鬧天宮》嘅甄子丹就帶埋老婆汪詩詩行紅地氈見識大場面。

 


既然隻手連證件都唔使親自拎，甄子丹咪惟有拖住老婆行囉！ 

既然係「全宇宙最好打」嘅國際動作巨星，甄子丹近年嘅排場愈嚟愈誇!周日（ 16日），匆匆完成兩日一夜宣傳之旅嘅甄氏伉儷，就現身上海浦東機場準備返港。搭飛機點都有啲手提行李啩！但甄子丹由落車到 check in再到過關，全程兩手 fing fing，身邊除有三個女助手外，仲有兩個強國保鑣傍住，真係巴閉。

張兆輝食自己


張兆輝叉住條腰望實行李輸送帶，仲唔介意自己逐件拎，難怪佢老婆可以咁輕鬆玩 iPad啦！ 

不過並唔係個個藝人都好似甄子丹咁，需要呢啲門面功夫嘅！上周五（ 14日）張兆輝喺浦東機場出現，佢就親力親為自己攞行李，仲唔介意攞埋老婆同助手嗰份，完全冇架子！

同場加映：英皇晒新女

英皇集團主席楊受成、製片人霍汶希亦同電影《超級經理人》導演馮志強及一眾新演員出席「上海國際電影節」紅地氈儀式。一次過，晒你冷！


霍汶希日前喺微博上載咗老闆楊受成、阿 Sa跟奧利華史東嘅合照。唔知阿 Sa有冇趁機向奧利華史東自薦拍戲呢？ 

嗱，呢班師妹中，唔知邊個可以成為阿 Sa接班人呢？

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄