木型重情上周五（ 14日）陳豪返抵香港，冧爆大讚陳茵媺：「 She is my queen！」佢仲豪晒生命線，又長又深好吸引喎！
媽咪姐
陳豪晒幸福掌
陳豪上周二（ 11日）同陳茵媺喺巴黎結婚，靚人靚景又浪漫，媽咪姐真係好羨慕！
不過結婚幾日又要分開，老婆多倫多安胎，佢就返咗香港密密拍廣告搵奶粉錢。上周五（ 14日），新鮮出爐嘅人夫陳豪喺機場俾半百傳媒包圍，仲 Iron Man上身大晒婚戒。不過媽咪姐留意到陳豪嘅生命線又深又長，即時 send張相俾玄學家吳佩孚，同佢 check吓啲掌紋先！
吳師傅話：「陳豪屬於木型掌，亦屬於精神型，個人好重感情。佢條感情線又長又深，代表用情專一又情深，結婚後生活安定有錢剩，錫老婆仔女又顧家，係好老公又係好爸爸，生活會好美滿！」陳茵媺好幸福啊！
前年同廖碧兒分手後，陳豪得到各大廣告商力撐。同陳茵媺結婚後，仲勁！個個爭住搵佢做代言人，仲送埋個印上雙陳婚照嘅蛋糕賀佢㖭。
全站熱搜
留言列表
