插圖： Wendy
揞名爆
「講唔正」「鼻高高」 為上位姊妹決裂
唔講大家可能唔知，公仔箱入面嘅「講唔正」同「鼻高高」曾經好 friend㗎！你問點解？咪因為佢哋都唔妥某「數字高層」，覺得人哋錫晒花旦「鴨仔」，俾晒啲獎佢。大家有共同嘅敵人咯，自然就變咗老友啦。呢兩位呷醋姐仔仲試過喺一班相熟傳媒面前大數「數字高層」，同仇敵愾，數得幾興奮呀！嗰時「講唔正」仲同「鼻高高」約定，大家都唔續約，一齊向外闖。
之但係，娛樂圈入面嘅友誼，好多時都好脆弱嘅！無幾耐，「鼻高高」同公司又傾得成約，仲傾埋個獎返嚟㖭。因妒成恨，姊妹決裂，就梗㗎啦！依家兩個人無偈傾㗎！「鼻高高」上咗位，而唔聽話、做戲又唔係掂嘅「講唔正」呢，喺公司無乜人理。好彩，佢有個有米嘅另一半，咪繼續扮唔志在續約，實情就想扭計攞獎囉。
邊個係「講唔正」？ 1.選美出身 2.外國返嚟
邊個係「鼻高高」？ 1.鍾意嫩口 2.眼大大
全站熱搜
留言列表
