6月 16日眼泛淚光之後萬綺雯更扁晒嘴，眼泛淚光，場面感人。
滾熱辣
機場獨家 橫店連打十日傷腰患 萬綺雯激動攬老公
轉投無綫只有一年的萬綺雯，已完成三套擔正女主角的劇集，受寵程度比一眾「親生女」還要高，就連樂小姐都開口讚：「我好鍾意佢！」
被力捧的萬綺雯當然搏到盡，結果六月初到橫店拍《食為奴》時傷到腰部舊患及左腳。為免拖累進度，飾演打女「紀慕雪」的萬綺雯忍痛打足十日。
上周日（ 16日）萬綺雯由杭州返港，一臉倦容的她步出閘口，見到前來接機的老公陳十三即時變臉，仲攬實老公爆喊。拍打戲雖然辛苦，但有老公呵番，蚊蚊冧晒啦！
打到飛起萬綺雯月初去橫店拍外景時，有不少高難度動作，她都堅持親身上陣。為了效果更好，蚊蚊更拒用替身。
即場撒嬌
萬綺雯在橫店日打 14小時，導致周身傷，但據知無綫為慳錢，由原本拍 16日的戲份，濃縮到 10日完成，休息唔夠，令萬綺雯身心疲累。周日（ 16日），她終於拍完《食為奴》由杭州返港，老公陳十三一早去機場搵定個靚位接老婆。下午二時左右，萬綺雯步出機場閘口，一見老公即時飛撲埋去攬到實，其間仲真情流露哭起來，連有記者在旁拍照亦不知道。陳十三見萬綺雯如此激動，左手攬住她輕拍幾下，還細細聲在其耳邊安撫，場面溫馨。
據知萬綺雯返港後即找相熟骨醫治療，先治療腰部舊患，避免腰傷惡化。周二（ 18日）約下午四時，萬綺雯單獨駕車外出，先到西貢市中心的花店買花，再到附近一個海灘漫步吹吹風。雖然老公不在身旁，萬綺雯依然樂在其中，不停龍友上身喪影相，又表現少女情懷在岸邊拾貝殼，如是者一個人 hea了個多小時才駕車回家，相當優悠。
旁若無人周日（ 16日）下午二時，萬綺雯在橫店拍完《食為奴》由杭州回港，見老公陳十三來接機，萬綺雯懶理旁人目光，撲埋去攬到老公實一實。 
顯風度陳十三盡顯男士風度，車埋同蚊蚊一齊返港的男演員，仲幫手搬行李。 
含苞待放萬綺雯激動喊完，終於發現記者，個樣即時變得含苞待放。雖然已係老夫老妻，兩人仍保持熱戀狀態，仲十指緊扣大方合照，真難得。
橫店由朝打到晚
萬綺雯在新劇《食為奴》演打女，飛天下海在所難免，月初遠赴橫店拍外景連打十日，新傷加舊患兼冇得休息。
萬綺雯與張繼聰在戲中都是打得之人，兩人亦有不少對打戲，講姿勢萬綺雯算有板有眼，揸起刀亦好有氣勢。 
橫店其中一場打戲，就是對決七尺「巨人」，由於拍這場戲一直落雨，結果打足三日先拍完。 
原本在橫店要拍 16日外景，但最後濃縮成 10日，結果蚊蚊有時要由朝拍到黑，唔辛苦就假。 
自製浪漫
在橫店工作十日，萬綺雯不時掛住老公陳十三，更在房內以小蠟燭 D.I.Y.一個心心，上載微博晒恩愛。
肉搏袁偉豪
老公呷醋
萬綺雯同袁偉豪拍激吻戲，連老公陳十三都在微博抽水笑老婆，表示期待演出。
旅行造人
老公陳十三雖然有工作在身未能陪行，但兩人已約定下月重遊峇里，享受陽光海灘。現階段待陳十三安排好製作公司的工作才可放假，萬綺雯亦要出席多個《好心作怪》的宣傳活動，完成工作後兩人便會四處旅遊，亦會為生 B作最後衝刺。
連拍三套劇的萬綺雯曾表示，她在《好心作怪》的角色情感複雜，幾乎每日開工都要喊，需要慢慢抽離角色，免得日後有情緒病。如今拍《食為奴》又傷及舊患，身心受創的她絕對需要休息。據知樂易玲早前曾找萬綺雯傾續約一事，並極力游說她改簽經理人合約，但她已通知無綫等她小休後才斟洽。
記者致電萬綺雯，問她拍《食為奴》時受傷一事，她直認拍得辛苦，每次拍打戲都要就住嚟打。
6月 18日獨自嘆海風
本周二（ 18日），萬綺雯頭戴鴨舌帽身穿長裙，先到西貢市買花，再手持凍飲去西貢海邊吹風，引來遠處的「拖狗男」眼望望。
拾貝殼
萬綺雯在海邊漫遊，突然見到沙灘上的七彩美麗貝殼，即踎低研究，之後仲用紙巾包好拎返屋企慢慢欣賞。
蚊咬蚊蚊
在沙灘吹風個多小時，萬綺雯非常享受這種生活。雖然已着晒長裙保住長腿，但玉背失守被毒蚊咬了一口，搞到背脊又紅又腫。
大師級作品
萬綺雯難得在沙灘執到靚貝殼，又影到香港近日少見嘅藍天白雲，當然要上載微博同大家分享。
記：記者萬：萬綺雯
記：係咪拍《食為奴》時觸及舊患拉傷咗？
萬：拍打戲係辛苦啲，我同導演夾咗，所有動作最好用右邊，踢腿都用右腳，紮馬嘅重心都喺右邊，唔想再令左邊舊患惡化。天氣變時腳好痛，好慘。
記：你有冇用替身？
萬：有預備替身，但導演同我商量過，親自上陣效果好啲，通常個武指示範一次，我就跟住做。除咗打幾個筋斗嗰啲我做唔到，其他都係我自己做番，勁唔勁先？哈哈！
記：你喺機場攬住老公喊喎？橫店拍得好辛苦？
萬：眼濕濕之嘛！我哋十日冇見梗係掛住啦！撒吓嬌都要嘅！
記：嚟緊係咪放長假去旅行順便造人？
萬：我會放假休息吓，去旅行就必然啦！我最鍾意陽光海灘，起碼秋天先再開工呀！
萬綺雯當務之急是先醫好腰患，話唔定去完旅行多個「十三仔」，好似陳茵媺咁長休等做媽咪呢！
十三年情不變
萬綺雯與編劇老公陳十三結婚 13年，雖然未有所出，但兩人勁恩愛，經常出外旅行享受陽光海灘。
花之家
留言列表
