吳彤呢日同大隻男去銅鑼灣樓上舖買底底，揀親都係貼身激凸款。媽咪姐事後打電話問佢係咪有新男友，佢話：「人哋係形象指導，唔好誤會呀！我哋都係為工作。」 

媽咪姐

吳彤孖同志揀底

早排宣布出櫃同甩拖嘅歌手吳彤，自從公開性取向後，網上議論紛紛，就連少爺占開 talk show都攞嚟講。公開咗咪好囉！大家唔使再估估吓！佢仲多咗班同志 fans㖭！

雖然吳彤自稱單身，但媽咪姐早兩日見佢同個大隻男現身銅鑼灣，上咗間樓上舖揀背心同底褲，試足半粒鐘。其間大隻男不時俾意見，仲出手幫佢換衫同埋摸佢着住嗰條底褲。嘩嘩嘩……媽咪姐差啲以為自己睇緊同志電影。拍拖咁 sweet係好，不過呢啲咁私人嘅行為，都係返屋企先慢慢試俾對方睇，咪咁寃氣啦!

調情 

彈底褲睇佢哋試衫時有身體接觸，玩得咁開心，真係唔似係工作夥伴咁簡單喎！乜同事會陪你去試底褲兼彈你底褲邊㗎咩？ 

張家輝身形 

細細粒嘅吳彤操得一副好 body，雖然冇張家輝咁堅，但都唔失禮。佢承認係同性戀者後，工作反而多咗，仲話呢日試衫係為同志婚禮公司拍廣告做代言人。着底褲拍廣告咁另類？