龍小菌勁減 132磅除罩避炎蒙面踏上歌星路 @ tvbfun娛樂八掛大放送★

龍小菌勁減132磅除罩避炎

蒙面歌手龍小菌必戴面罩出席公開活動，「冇面」見人的她原來曾經是體重達250磅的大「龍躉」，更因體重被狠插不適合做歌手，故她決定進行地獄式減肥計劃，成功喪減132磅重拾自信，上演真人版「醜小鴨變天鵝」！因長期戴罩焗到肺炎，為了保命小菌宣布終極一脫，勇敢展現「龍顏」！

龍小菌除面罩後露出廬山真貌，其實是靚女一名。

蒙面歌手龍小菌去年在網絡「Sing」演爆紅，後走出網絡世界以「紙紮公仔」look現身街頭獻唱，獲唱片公司簽約出碟，惟小菌出道後繼續大玩神秘護「龍顏」，堅持戴罩出席所有活動，連去電台做訪問都笠黑紗戴黑超，化身恐怖分子以防容貌曝光，保密工夫做到足。即使傳媒和網民進行人肉起底，始終「食白果」而回。

如「大隻版李珊珊」

事隔一年，小菌決定不再收收埋埋，勇敢站出來自揭神秘面紗，以真面目示人。本報日前拍得小菌以真面目現身觀塘專業廣告影樓拍攝新碟宣傳照，大方露「面」的小菌其實樣子標致、眉清目秀，身材高挑的她猶如「大隻版李珊珊」，在鏡頭面前自信十足，和昔日嚇死人的紙紮公仔look可謂大不相同。

龍小菌日前以本來面目拍攝新碟宣傳照，眉清目秀的她身材更相當高挑。

龍小菌

搣甩「龍躉」狂吸金

據知一直堅持「不脫」的小菌，兩年前身形和今日可謂「天與地」，據知兩年前的小菌是位體重達250磅的「龍躉」，曾試過參加歌唱比賽被狠批身形影響台風，不適合做歌手！痛定思痛的小菌決定狂做運動減肥，學打boxing外又跟從教練的健康餐單，終於成功勁減132磅，變成現在fit爆去除「龍躉」的「小」菌。自她入行後終日罩不離身，原來慘被焗出肺炎，為免身體狀況繼續惡化，加上重拾自信，決定終極一「脫」！據知小菌決定除罩後，有不少人希望力邀她拍電影和擔任代言，吸金力大增。

龍小菌曾以蒙面「紙紮公仔」look出現，大出風頭。

龍小菌、謝安琪

龍小菌昨日在網上發表「除罩」聲明，並向被「點錯相」的受害者道歉。

另外，小菌昨日亦在網上發表「除罩」聲明，並向一直被「點錯相」的受害者道歉：「傳媒、大眾對我的真實身份、真面目有多種揣測，但在起底過程中出現『起錯底』、『點錯相』的情況，令其他中學的中文科老師受到不必要的騷擾，本人在此致歉！」她更宣布明晚（22日）在旺角行人專用區首度現真身，屆時將回應一直以來的種種疑問。

文：音樂組

蒙面踏上歌星路

自稱是中學中文老師的龍小菌，出道時憑網上演唱歌曲爆紅，創下過百萬點擊率而大受網民歡迎！去年4月，她以白衫蒙面look首度於中學公開演唱，後改以藍衫蒙面look作造型，並於旺角行人專用區表演，吸引不少人慕名而至欲一睹其「真身」。

備受力捧
江美儀、吳君祥、龍小菌(右二)、邵子風

去年6月小菌在facebook透露已辭去教師職務，兩個月後被吳君如胞弟吳君祥睇中，成為其新成立唱片公司的歌手，同年更獲電台頒發新人獎。惟今年3月傳出其經理人邵子風與吳君祥意見不合而辭職，密謀讓小菌提早解約回復自由身，其時吳君祥否認報道，聲稱龍小菌仍是旗下歌手。

旺角獻藝

戴罩唔洗就有菌

龍小菌自稱因長期戴面罩導致肺炎，對此成因，家庭醫生關嘉美認為可能由細菌感染所致：「如果佢嘅面罩冇經常洗，冇清潔乾淨就會封住晒啲細菌，再戴面罩，一吸氣就會吸埋啲細菌，令上呼吸道同氣管感染導致肺炎。情況就好似我哋用啲污糟衫嚟抹鼻，都有可能搞到細染感染。如果佢以後都可以唔戴面罩，就最好啦！」

龍小菌

至於龍小菌在兩年內體重由250磅極速減至118磅，關醫生說：「減肥令佢膝頭冇咁痛，因為身體擺低一半擔子，負重冇咁多就會健康啲，不過減得咁快，定要有醫務人員監督下做，否則就勁危險。」

馮仁昭四圍超：龍小菌公開認錯 56,809

資料圖片

蒙面歌手龍小菌之前除咗面罩，同緋聞男友邵子風出街俾本報影到，真身出現後唔少人指佢有啲似苟芸慧，其實咁索，現真身都唔怕啦！噚日龍小菌喺facebook發聲明，話一直以嚟傳媒都想起佢底，搞到過程中出現起錯底、點錯相情況，令其他中學嘅中文科老師受到不必要騷擾，佢誠心致歉。佢仲話聽日喺旺角行人區舉行第24場街頭音樂會時，會回應傳聞，唔知到時會唔會除罩呢？

撰文：馮仁昭

逢周五隨《蘋果日報》附送嘅時尚美容雜誌《add》雖然早已派完；

拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！

有料放？想收料？入嚟【蘋果互動】啦！

要威！戴頭盔

本地有龍小菌戴面罩唱歌，隱藏真面目，其實中、外也有不少箇中表表者。

Duft Punk