陳淑芬承認每張飛$99「蝕好多」！主要靠贊助。地產商無寶不落，明晒！ 

媽咪姐

7.1「壞蛋騷」咪死撐啦！

話咁快，又到咗 7.1維園見呢個大日子，大概梁特首自知民望長期低水，今年 7.1特別「多事」！失驚無神，有個「維穩騷」《香港巨蛋音樂節》，揼大嚿錢請咗韓國頂級歌星、組合，仲有香港樂隊出騷，夾啱晒時間，用賤價$99賣飛，同 7.1遊行搶人。

 

講真，建制派成日出「蛇齋餅糉」呢招㗎啦！大家見慣不怪，係唔明主辦機構「演出業協會」主席陳淑芬，係都要話呢個被網民稱為「壞蛋騷」嘅音樂會，「同慶回歸完全扯唔上關係」，又話係「請願」，要求政府喺市區撥出土地興建「香港巨蛋」喎。喂，陳小姐，依家有八大地產商贊助喎！你係咪搞錯咗呀？係「請願」要政府撥地起多十個八個「發水屋苑」先真呀嘛？你上次搞哥哥騷，已經講唔清係做善事定搵真銀喇噃。都係嗰句，若要人不知，唔好太低 B！媽咪姐尊重不同取向，但絕不能欺騙港人！

網民插爆

 


有份演出嘅 Rubber Band成員「泥鯭」，喺 FB話「身在曹營心在漢」。 

網民喺 FB成立群組，杯葛「壞蛋騷」。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄