孫佳君「年紀大整容好正常」有需要就整:少少執啫
娛樂圈整容風氣愈來愈普及，不少女星都不介意公諸同好，繼早前歌手李玟承認整容後，藝人孫佳君亦坦承自己有「整容」，更曾開刀去除疤痕，她認為只要有需要就可以整容，只是切忌過火，她也時刻提醒自己別上癮！
前晚手錶品牌BALL Watch波爾錶舉行「BALL for BMW新錶發布酒會」，出席嘉賓包括馬德鐘夫婦、傅明憲，以及丁子高等，而富商趙世曾女兒趙式芝亦出席撐品牌太子女兼「太太」楊如芯場。其中孫佳君透露忙於宣傳新電影，電影中飾演按摩師的她，現實生活中也很喜歡按摩，因此夢想開按摩店，其後邊說邊坦承整容，她說：「我上星期先去完深圳按摩，（有冇人認得你？）冇呀，我冇化妝，（之前畀人話膠面整容所以唔認得？）我都唔知點解啲人話我膠面，其實我都係少少執啫，（邊度？）皮膚，我有打botox去皺紋，各類部位都試過，但都係有需要先打，冇需要唔會打，好似要拍戲就唔會打，因為拍戲要面部表情，始終打完都會冇咁自然。」
自爆開刀除疤
她更自爆曾開刀做過去除疤痕手術，但哪部分就不肯透露。問到有些人整容上癮？她說：「我諗都會，我見過有啲人做咗真係好靚，所以我成日提醒自己唔好過火，有需要先整，（點樣先係有需要？）總之有日起身覺得唔滿意自己個樣就可以整。」說時大方坦白！
王馨平宣布剛簽了新的內地經理人。
「太太」楊如芯是品牌太子女，趙式芝（右）自然要撐場。
馬德鐘與太太張筱蘭出席活動有影皆雙。
馨平嘉穎友好
而同場的王馨平就擔任表演嘉賓，她透露剛簽了新的內地經理人公司，稍後會拍劇和唱歌；對於早前有人冒充是周慧敏的內地經理人？她聽罷說：「我自己都要好小心，所以要高調宣布。」記者問到舊愛鄭嘉穎在內地爆紅，可會介意一起合作？她笑說：「其實我同佢私底下係朋友，兩個月前我哋先一齊食飯！」
文：名人組
「年紀大整容好正常」
孫佳君認打針去皺 
■孫佳君最近被指膠面，她表示不抗拒整容，並承認曾注射botox。
孫佳君、王馨平和趙式芝等前晚在中環出席波爾錶活動，孫佳君表示準備忙宣傳新片《重口味》，在片中演骨妹的她喜歡按摩，想開按摩店，朋友有興趣投資，可惜香港租金貴及難找好師傅：「唔需要太多資金，最重要係留住師傅，我去過堔圳大場揼骨，冇人認到我。」
「做過去疤手術」
體比一年前瘦咗啲，執少少，都係執皮膚。」執少少有何意思？她說：「試過botox去皺紋。」打在哪個部位？她說：「各類型都有。」現在有沒有打botox？她說：「冇，怕拍戲做唔到表情。」她即場示範皺眉，成功做到即興奮地說：「仲得！」她避談會否怕變膠面，只說：「搵好醫生，年紀大整容好正常，唔好太多就得，唔明點解俾人話我膠面，係natural（自然）。」
可有整容？孫佳君「o殊」一聲，以不抗拒及有需要會做來迴避問題，但現在沒有需要。問到她會否接受代言整容公司？她說：「OK，諗吓靚唔靚，喺香港試過打botox。」可會怕上癮？她說：「都會㗎，冇乜問題。」如果整容會承認？她說：「可以認，冇問題，喺身上做過去疤手術。如果一起身，覺得好唔滿意自己個樣可以去整，唔抗拒。」追問她不怕變膠面人？她說：「見過人整到over，要搵自己適合嘅嘢。」現在是天然？她說：「very good！」
■性感的Jocelyn（右二）攜夫支持趙式芝（左二）與楊如芯的手錶品牌活動。 
■馬德鐘努力保持身形拍新劇，減少外出食飯。 
■now TV主持人黃幗頤性感谷胸現身。 王馨平再作戰
同場的王馨平收大利是擔任表演嘉賓，並宣佈簽了內地經理人公司，會演戲及唱歌，昨日已飛往上海出席上海電影節。問她是否復出？她說：「一直唔係業餘，唔係玩玩吓。」拍劇與否要視乎劇本，滿足感比酬勞重要，有好作品不介意不收錢。問到若與舊愛鄭嘉穎合作？她說：「冇人提出過，冇諗過，私下係好朋友，兩個月前食過飯。」
同場的馬德鐘將拍攝無綫劇《飛虎2》，在橫店拍劇，會減少外出吃飯來保持身形。問他不外出令老婆安心？他說：「橫店狗仔隊好厲害，社交係正常，唔係男就女，為健康少飲酒。」
採訪：盧妹
攝影：陳志嵐
■王馨平簽約內地經理人公司，表示未有人拉攏她與舊愛鄭嘉穎合作。 
■馬清偉與女友Winnie拍拖多年，恩愛如昔。
留言列表
