自戀自拍
每次健身後， Rocky都會放一張自拍照上 instagram，自戀成癮。
娛聞樂
求愛大作戰 黃憲麟 涉強姦案 野獸 Rocky 剝衫誘女
最近配對真人騷節目《求愛大作戰》掀起
全城熱話，首周收視高達廿點，不男不女的人生教練「綠魔」 Karl和「很醜但溫柔」的野獸 Rocky，更率先彈出。
可是，節目紅卻惹事端，日前就有盛男觸碰少女手臂求愛而遭女方告非禮。至於野獸 Rocky（黃憲麟）更遭人翻舊賬，指他 09年曾涉強姦富家女。本刊近日發現，在其個人 instagram中，幾乎清一色剝衫自拍照，連露股相都有。雖然盡騷八塊朱古力腹肌誘女，但據知他在《求愛》中，縱使殺入四強，最後都係食白果收場，冇女啃得落。
我很醜，但我很溫柔！（設計對白）
《求愛》節目播出以來，其貌不揚、現年 29歲的康宏理財首席顧問 Rocky，最初慘被「女神們」稱為「野獸」，更被網友踢爆經常流連夜店。不過最震撼的是，原來他在 09年曾捲入一宗富家女強姦案，日前更有周刊刊登其自白 WhatsApp，當中他直指自己是強姦犯。周二（ 18日）本刊致電給他，他在電話中大呼寃枉。「件事都發生咗四年，嗰晚我飲得好醉，之後發生嗰件事，我只可以講，警方一直冇落 charge，我亦從來冇案底。」
平安夜強姦案
Rocky在 09年平安夜中，曾涉及一宗富家女強姦案，當年《蘋果日報》港聞版亦有刊登。
facebook晒籮
Rocky經常放操肌相上 instagram，近日他便放上一張集合了過去十年的剝衫照。從相中可見，十年前他仍是肥仔一名，經過努力健身後，終練成一排健碩朱古力腹肌。
晒攬女照
在 Rocky的相中，不乏與靚女合照。其中在電台節目訪問，他更讚做 DJ的阿夢靚女，但卻自嘲攬極都攬唔到個女朋友返來。
剝衫成癮
強姦案不了了之，但 Rocky從未減溝女慾望。家住小西灣居屋的他，每星期至少有三、四晚到中環蘭桂坊和灣仔一帶酒吧獵女。知情者說：「 Rocky落親老蘭，都係自己一個人，貪易啲釣女。有時三杯落肚，都會主動出擊埋身溝女。雖然佢份人吹得，不過啲女見到佢個樣，再問埋佢家底，十次有九次都係食白果。」
自知樣醜， Rocky近年惟有操 fit副偈，希望憑健碩身形食糊。周一（ 17日），本刊發現他離開任職的康宏理財公司後，隨即趕到尖沙嘴的 Fitness First健身中心操足兩個小時。事實上，由 230磅大肥仔搖身一變成大隻仔的 Rocky，近年為追女下過不少苦功。據知他三年前開始健身，磅數回落至 170磅後，自信心提高，對自己身形亦相當迷戀。本刊近日發現他每天都會上載自拍肌照上 instagram。
可惜操肌成功的他，在《求》節目中，原本鎖定賣網上護膚品的 Whitney，可惜其他盛男亦同樣對 Whitney大獻殷勤，最後 Rocky不敵死敵 Justin，飲恨不能抱美人歸。
綠魔孖 Rocky夜戰老銅
想溝女，學嘢啦！（設計對白）
Rocky因強姦案搞到個底花晒，不過論網上負評，在節目中有綠魔之稱的 Karl（許嘉浩）贏晒。雖然俾高登仔惡評不男不女，但自信爆燈的 Karl，上周四（ 13日）晚就率領三盛男包括 Rocky、臥底 Chris和自大 Vincent，到銅鑼灣一帶酒吧實戰。四男到銅鑼灣私竇後，玩足六個鐘至凌晨三點由夜店後門離開，表現鬼祟。只見眾人離開時腳步浮浮，看似飲了不少酒。其間記者聽到 Karl邊行邊大聲說：「你哋成碌杉企喺度，點溝女呀！」 Rocky等人聽後頭耷耷。 Karl繼續說：「再落灣仔 Cavalier啦，有得睇 erotic dance（艷舞騷）。」估唔到雌雄打扮的 Karl，竟是識途老馬。
事後 Rocky對記者表示：「 Karl係帶我哋去見識吓，其實我哋嗰晚去唱卡拉 OK之嘛，你哋唔好諗多咗。」
綠魔組溝女團
雌雄打扮的 Karl雖然外形似基男，但他自稱曾與三個女仔拍過拖。上周四（ 13日）他便組了一個溝女團，帶埋三個盛男 Chris、 Vincent和 Rocky，浩浩蕩蕩殺入銅鑼灣一間夜店，逗留足足六小時，可惜都係食自己收場。
雖然俾高登仔狙擊，但原來 Karl都不乏捧場客，當晚就有短裙女自動送上門求 Karl合照，比三個盛男更受歡迎。
殺入四強
8位盛男中，繼上周教徒律師 Winter同二五仔 Chris被 out走後，本刊收到消息，今個星期自信心爆燈的 Vincent及 28歲處男 Thomas同樣被踢出局，最終只得 Rocky、 Cryus、 Justin及 Guy四位直入決賽，可以與女神們到印尼龍目島共處 8天。
留言列表
