唔驚，我仲有大把貨……㗎呵？（設計對白）之前， 34歲嘅廖碧兒被影到戴三條姻緣繩催運。呢日（周二），佢忽然兩手空空，又話依家擇偶唔使有錢，只要鍾意小朋友同錫自己喎。
媽咪姐
致 Big兒 廖碧兒
至於錯過咗「筍盤陳」呢點，你話：「唔覺得喎，大家都唔同步呀，最緊要搵到啱嘅人！我依家開心工作。」哦……咁你哋的確唔同步。散嗰時，「筍盤陳」又未搵到三千萬買大埔獨立屋，點襯得起身為華姐冠軍嘅你先！明㗎。明㗎。只係你估唔到「豪門林」原來真係得度門（記得嘛？你揸匙開過㗎！俾人影咗㖭），根本無嘢揸手啫。
算吧，俱往矣。你講得啱，「每個人有自己嘅路，有自己愛情目標。」向前望啦！ Come on，你唔差喎，至少比《求愛大作戰》嗰班「女神」高幾班！反正都係港女，你有名我哋叫，笑容（唧出嚟都算！）同身材都 big啲喎。
不過呢，「筍盤陳」阿媽講揀新抱又真係講得好，「靚唔靚好閒啫，最重要係佢心地好！」老實，我哋梗 like索女嘅，但正所謂紅顏易老，相由心生，種善緣得好運，共勉之呀！靚女（依家都仲係嘅）。
一群挑通眼眉的「筍盤」上
長期四萬
廖碧兒俾人話受陳豪結婚打擊，喺橫店拍劇神不守舍。周二（ 18日）佢終於返香港出席寵物節目記招，全程 keep住笑到四萬咁口。 Well，但睇吓其他兩位主持嘅表情。碧兒，你會唔會交多咗戲呀？
吔蕉補番
世上除咗媽媽，仲有爸爸好！呢日廖爸爸負責做司機，車阿女去記招，之後車咗佢去銅鑼灣。趁廖碧兒上樓睇寵物，廖爸爸仲「嗱嗱聲」去買袋蕉俾阿女食㖭。
全站熱搜
留言列表
