博出位
老竇晒冷
剛過去的星期日是父親節，一班娛圈父親借機會向 fans晒幸福。初為人父的黃貫中都收火，晒女兒可愛照，而王敏德、黃日華亦齊齊晒女兒窩心一面，好在曹永廉囝囝都有老竇心，為男仔爭番口氣。
黃貫中父為奴
雖然近期黃貫中同黃家強罵戰，不過黃貫中都收一收火，父親節同女兒黃鶯在家中玩了一個下午。黃貫中唔知朱茵準備好晚飯，仲諗住叫朱茵出街食，認真烏龍。
黃日華頸都長
剛和父親黃日華在《開腦儆探》合作的黃芷晴，親自為黃日華製作了兩個袋及一隻錶，仲好有信心事先向黃日華講明。黃日華自言等呢份禮物等到頸都長，不過三份禮物咁有 heart，都收貨啦。
王敏德合家歡
一向緋聞纏身嘅王敏德，周日亦坐定定做一個好爸爸，大女曼喜、二女麗嘉及細仔躍穎一齊喺美國餐廳 Dan Ryan食飯，太太馬詩慧就專心做攝影師。天氣熱，王敏德成餐飯最滿意嘅，反而係杯冰凍啤酒，吹脹！
曹永廉忙都抵
曹永廉雖然在父親節都要為新劇《熟男有惑》宣傳，不過佢五歲大仔曹保熙做咗個銀包仔同心意卡送俾佢。阿仔咁有心，手工又咁好，曹永廉再辛苦啲做嘢都抵啦。
全站熱搜
留言列表
