當日高 Ling一身性感打扮扮財務公司嘅宣傳女郎，不過媽咪姐覺得佢似啤酒妹多啲。 

媽咪姐

高 Ling蝕俾怪叔叔

周一（ 17日），媽咪姐喺新蒲崗見到着晒低胸衫兼短裙仔嘅高 Ling（高海寧）派傳單，仲俾一班麻甩仔係咁影，又隊胸又低抄，仲有啲龍友抄佢裙底㖭！

 

唔驚唔驚，其實高 Ling係拍緊新劇《 My盛 Lady》，嗰班龍友係臨記嚟啫。不過有個怪叔叔一見到有靚女，竟然扮傻混入班臨記度，仲愈行愈近，喺度大叫：「影張啫，望下啦！望下啦！」嚇到高 Ling即刻擰轉身，再搵宣傳單張遮住胸口呀！最後怪叔叔當然俾工作人員請走。高 Ling話：「佢猛追住我嚟影相，真係俾佢嚇親呀！」除咗招惹怪叔叔外，呢位靚女仲好惹蚊，搞到着住短裙仔嘅佢，都要提起腳𢱑痕，真係陰功豬喇！


呢隻惡蚊真係識搵食，識得叮高 Ling嘅菠……蘿蓋。 

呢個怪叔叔見到高 Ling即刻上前攝位，仲追住高 Ling狂影，搞到俾工作人員驅趕。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄