媽咪姐
變咗嘅?
人大咗，新陳代謝愈嚟愈慢，身體變化自然大。至於變好定變差，就要睇個人造化！為咗 keep靚，唔少藝人諗盡計仔，務求每次出動都一樣有新鮮感！點都好，俾啲掌聲啦。
丁子高緊緻去袋
今年一月嘅丁生，仲有啲眼袋，同少少紋，依家？平滑晒喇！
丁子高出名貪靚，閒時去 spa、做運動， keep住最 fit身形。佢最近去活動，鬼咁精神，細睇佢嘅皮膚，緊緻度勁過唔少女士。眼袋仲忽然冇咗，連眼尾紋都唔多條。唔通做 gym都可以去眼袋？好神奇啊！
宣萱脹一個碼
42歲嘅宣萱，依家長時間喺內地拍劇，身形明顯脹咗唔少。着住泰山長裙嘅佢，確係女泰山咁款，大手臂有力，下巴起雙飛，真係要搞搞至得。都係嗰句，女人唔 keep好易老！
甚少出動嘅宣萱，情緒高漲到暈。從背面睇，個大躉亦 sharp醒到暈。兩個字，好橫！
全站熱搜
留言列表
