句句金
句句金
周潤發同甄子丹喺上海出席 3D魔幻動作片《西遊記之大鬧天宮》記者會,留長咗頭髮嘅發哥,邊撥髮邊問台下傳媒:
會不會更年輕?
然後望一眼「宇宙最強」,補多句:你沒有頭髮了差不多!
甄子丹呆一呆,無言以對。
Well,唔使用劍嘅!快狠準,咪就係呢啲囉!
杜琪峯、劉德華同鄭秀文去上海出席新片《盲探》記者會,杜 sir喺會上有感而發:
金像獎沒有 Sammi,我氣了整整十年,演喜劇能像她演得那麼輕鬆自然,很難得!
咪就係囉!重點係,楊千嬅都攞咗嘛。
所以 Sammi啲粉絲,至少都應該嬲咗一年。
早前魏駿傑接受訪問,無啦啦再數舊愛,觸發滕麗名反擊自爆,魏曾以短訊求復合。之後,魏駿傑表示該短訊是幾年前傳的,滕麗名聞言笑說:
2012都係幾年前?
咁咪《玩嘢王》李思捷囉!
係咯,上年可以變幾年前,同李思捷叫攬晒錫晒嘅陳雅倫做家姐一樣,好有創作力喎!
Mandy Lieu出席美容活動,自言好關注胸部問題:
之前安祖蓮娜受乳癌影響,自己都好怕,覺得冇咗個胸會世界末日,唔係女人!
阿女,安祖蓮娜割咗個胸,咪依然係一個有畢彼特錫、有仔女嗲嘅 pretty woman!都係嗰句,注意健康,防患於未然啦。
全站熱搜
留言列表