不屑肉搏內地女星 嘉玲sammi康城技高一籌
今屆康城影展一開波，大家焦點都落幾個內地女星紅毯爭妍鬥麗上，原本以為風頭躉係范冰冰同章子怡之爭，點知半途殺出個程咬金，佢就係當年星女郎、現已嫁人婦張雨綺。張雨綺一襲綠色deep V裙襯雪白肌膚及烈焰紅唇，簡直係倒模范冰冰咁開幕禮大出風頭，連外國傳媒都當佢係范冰冰，搞到衣著欠性感冰冰同章子怡輸得相當慘烈。尤其係章子怡，剪一頭短髮佢，竟然俾內地傳媒嘲髮型普通到好似15蚊洗剪吹貨色，而佢短裙配長褲造型，就被批好似打牌look，連好姨都冇眼睇呀。
之後冰冰連番還擊，先係出席品牌活動時，著住條Deep V裙露半球，點知呢條裙上身剪栽竟然同張雨綺條幾乎一樣，唉，俾人飲完頭啖湯先來著。唔知係咪連番失利搞到范爺方寸大亂，佢之後同成龍沙灘上宣傳中美合作新片時，又俾大風吹起條裙露曬底，今次連張雨綺章子怡都冇得揮，贏晒！ ！
華仔Sammi似夫妻
而當內地女星忙於拋胸露底之際，港女星就話俾人知，乜係美貌與實力並重了，劉嘉玲憑《過界》一片角逐康城「一種關注」競賽單元最佳女主角，該片當地首映時，曾康城封帝梁朝偉陪伴衣著高貴嘉玲走紅地毯，首映完場重接受全場觀眾歡呼，拍掌更長達10分鐘，連《Variety》雜誌影評都讚嘉玲演出耀眼，渾身散發著悲愴與慈悲。真係威番晒。除嘉玲，鄭秀文同劉德華都康城為電影《盲探》做宣傅，今次係二人第七次合作，佢都話好似夫妻咁有默契喎。
放大圖片
全站熱搜
留言列表
