軒仔對眼前呢座經常响恐怖片見到嘅巨型蠟燭台,相當有興趣,不時問助手意見。
同你吟一吟
張敬軒住大屋嚇自己
生活品味要用銀紙堆砌,上個禮拜三(十五日)軒仔同助手去到太子大廈,睇純銀造刀叉,睇巨型蠟燭台,睇碟睇燈睇花樽,樣樣一萬幾千隨時買出天文數字,軒仔聚精會神逐件鑑賞,全靠助手通水先知《壹》仔存在。
一個人住四千呎大屋,附近鬼影都冇隻,有傳軒仔要成日請朋友返屋企開 party壯膽,偏偏擺到一屋都係呢類懷舊傢俬,實情自己攞嚟驚!
對碗碟同樣講夠嘅軒仔,曾公開展示家中餐具相片,當日更𠌥晒身,鑑賞飾櫃裡面嘅純銀製刀叉。
有指軒仔花咗五百萬添置全屋懷舊傢俬,夜晚見到呢啲擺設,唔驚就假。
撰文:八珍
全站熱搜
留言列表