同你吟一吟
楊采妮唔襟老
由楊采妮首次執導嘅電影《聖誕玫瑰》，上個禮拜三晚（五月十五日）响尖沙咀舉行首映禮，男女主角郭富城、桂綸鎂齊齊現身，楊大導幾位圈中好姊妹梁詠琪、莫文蔚、李心潔都有嚟捧場。
昔日賣相女王，當年只有十八歲嘅楊采妮，絕對係上世紀電車男嘅集體回憶。
二十年前，楊采妮孖住城城拍金飾廣告入行；二十年後，楊采妮變楊導演，搵城城做佢部戲男主角。十年人事幾番新，更何況兩個十年，唯一無變，係城城當年今日依然 keep到咁 fit，點睇都唔似就快四十七歲，相反，昔日信和賣相女王，三十九歲楊采妮，風采大倒退。
就當男人比女人襟睇襟老，但楊采妮無論拍埋細佢兩年嘅梁詠琪、李心潔，抑或大足佢四年嘅莫文蔚，望一望楊采妮，事實一再證明，女人唔補，真係返唔到轉頭。
四朵金花齊人，最老嘅莫文蔚，就算冇化妝，望落精神過搽咗厚粉嘅楊采妮。 
雖然嚟到首映禮，但莫文蔚因為要坐夜機返英國探老公，同楊導影完合照就離開，跟同場出現嘅舊情人馮德倫緣慳一面。 
撰文：八珍
全站熱搜
留言列表
