社交圈
風光歲月
何超瓊親親嘉玲
全晚 Pansy要做人肉布景板,笑到嘴硬,但見到曾是前夫許晉亨前女友的好姊妹劉嘉玲卻分外投入,影完相繼續攬頭攬頸,雞啄唔斷, high爆的她說:「廿五年前冇人睇好我搞公關,今日公司已好有根基。」
何猷龍親疏有別
Pansy同劉嘉玲攬到實,反而跟細佬何猷龍顯得非常見外,影相時兩姊弟互相禮讓,猷龍仲要對住家姐鞠躬,唔講差啲唔記得佢哋同一個阿媽。
榮文蔚用舊嘢
周汶錡 一時失策
向來身材不算突出的周汶錡,罕有地穿一條吊帶谷胸裙露出半球,「件衫唔算好性感,只係似束胸衫咁,無都變有。」不過條吊帶就唔多聽使,仲跌埋落嚟,搞到佢好𤓓。
薛芷倫堅決不切乳
見證 ball場人面全非的薛芷倫,被問到點睇安祖蓮娜切乳避癌?三年前戰勝癌魔的她說:「係斬腳趾避沙蟲,有癌可以化療,不一定切除女性象徵,我兩週前先開刀割良性瘤,三年來其實開過四次(刀)。」
Fanny的耳環又大又重,訪問時連甩了兩次,令愛美的她非常尷尬。
何超盈交人
三房冇人現身,四房只有大女超盈做代表,仲要所有嘉賓入晒場先嚟到;遲大到的她不單沒有與哎吔家姐合照,仲連一句恭賀說話都欠奉,木無表情到場當交差。
趙式芝夫妻相
卓能執董趙式芝和她的另一半、波爾錶太子女楊茹芯亦有到場,兩人自去年公開同性婚禮後,幾乎有影皆雙。當晚兩人的米白色晚裝和禮服襯到絕,望真啲,仲愈來愈有「夫妻相」添!
全站熱搜
留言列表