曾效力於國際知名婚紗女王Vera Wang（王薇薇）工作室的Vivian Luk（陸曉雯），只用了三年時間，便當上別人至少花上五、六年累積經驗，才做到的婚紗設計師位置。

○八年Vivian回流返港創立個人品牌，她擅長利用立體、層叠的剪裁，為名人靚太度身設計晚裝及婚紗，每件起標價六萬元。霍啟剛太太郭晶晶、恒基新抱徐子淇、許晉亨外甥郭永亮太太黃兆賢等皆是捧場客。新世界創辦人鄭裕彤的長孫鄭志剛○九年結婚，太太余雅穎更找Vivian度身訂做七條裙，花費近百萬。

「好多客話我無藝術家脾氣，我會好接受客人的feedback，盡量跟足佢哋的要求。大家都有參與，是一件好sweet的事。」

Vivian最喜歡立體的東西：「我鍾意將立體嘅元素放落我設計的裙上，例如立體嘅花，立體嘅ruffle等，但其實喺裙上玩立體係好難嘅事，不過愈難做嘅嘢，我就愈想挑戰。」

啟剛細心　晶晶怕醜

Vivian的每個客人都是非富則貴，性格文靜的她，沒有一般藝術家脾氣，和她相處，令人感到舒服自在。Vivian謙稱：「我從來無覺得自己出名，我唔係好做廣告，鍾意一步一步嚟，大部分客是朋友介紹。」

去年年底，郭晶晶與霍英東長孫霍啟剛（Kenneth）結婚，便穿上出自Vivian手筆的「水立方」湖水藍低胸晚裝，Vivian笑說：「Kenneth次次都陪晶晶來試身，那件晚裝是Kenneth提議造，並決定用代表水的湖水藍色。我同Kenneth講英文，他會繙譯畀晶晶聽，我以為晶晶係跳水選手，一定好strong，原來她真人的性格係相反，好純，好靜，有少少怕醜，會為人着想。有次她等司機接她，我諗住執好個位畀她坐，她即刻話：『唔好執啦，唔使麻煩，我自己睇吓嘢得嘞！』他們每次來都慢慢睇，唔會好趕住走，晶晶又會細細聲同Kenneth講：『原來fashion咁有趣。』」

徐子淇與丈夫李家誠於2010年出席《智行基金會慈善晚宴》，身穿藍色低胸拖地長裙，貫徹Vivian一向的作風，整套晚裝裙非常有層次感。