新車激試

力爭房跑王座　 BMW 335i& Lexus IS350F Sport

眾所周知 BMW 3系是歐洲房跑車的佼佼者，就算強如 M-Benz C-Class都未有同等操控表現，多年來都處於拉鋸戰。 Lexus於 1999年推出 IS車系， FR驅動布局加上豪華車廂，已說明對手是 BMW 3系。這場 IS發動的房跑反攻戰，一打就是 14年， IS今日已是第 3代，全新外貌、車廂、動力，誓要爭奪房跑王座！為知道新 IS頂級版 IS350 F Sport同上年才推出的第 6代 BMW 3系頂級 335i分別，我們特別請來 335i車主現身試車及作出中肯評價，看看 IS350 F Sport的實力去到哪個水平。

335i車主 Michael 

BMW 335i Spec.

引擎： 2,979c.c.直 6 turbo
馬力： 306hp/5,800-6,000rpm
扭力： 40.8kgm/1,200-5,000rpm
傳動： 8前速自動、附+/-模式
車身： 4,624× 1,811× 1,429（ mm）
車重： 1,585kg
車價：$767,000起
查詢： BMW Concessionaires(HK) LTD.（ 3129 9000）

Lexus IS350 F Sport Spec.

引擎： 3,456c.c.V6
馬力： 317ps/6,400rpm
扭力： 38.6kgm/4,800rpm
傳動： 8前速自動、附+/-模式
車身： 4,665× 1,810× 1,430（ mm）
車重： 1,685kg
車價：$698,000
查詢：皇冠汽車（ 2820 4020）

今次 Lexus代理史無前例地隆重其事 IS登場，除搞大型發布會及新車登場派對外，更出人意表是一口氣引入 3個不同版本，分別有 IS250、 IS300h及今次測試的 IS350 F Sport。 IS250為入門版本，相信賣得最多，而 IS300h是 IS車系首個 Hybrid型號， IS350 F Sport則是目前最頂級版本，車內外都用上多項獨有設備，連 335i車主 Michael都激讚！

IS300h同 IS250用同一款車頭設計，分別只在於 IS300h廠章改為藍色地。 

「外表最靚一定係鬼面罩！未見過有車一份過。」

驟眼睇全新 IS外表轉變不大，但其實多處大幅改動，就像車頭已是最大轉變， IS350 F Sport用上 Lexus標記漏斗形鬼面罩，但中間的裝飾用上一幅過仿金屬網，比 IS250及 IS300h的橫隔更吸引，連 Michael都認同：「全車外表最靚一定係鬼面罩！未見過有車一份過。而頭燈用不規則形狀就要少少時間接受，如果淨係睇佢個 Nike LED燈就好靚仔。」其實 IS350 F Sport車頭、車尾及車身都用上專用包圍組件，由車身中間開始會出現一組向上揚起的線條，令車身更具跑味，而車尾底則設有沙鯊魚鰭導風板。

尾燈同車身線條暗合，而且內藏「 L」字，有心思。 

裙腳設計獨特，近尾輪位置向上揚起。 

星光熠熠登場

IS可以說是 Lexus近年的重頭作，為隆重其事，特別舉行了登場晚會，廣邀一眾傳媒及貴賓外，仲一次過請來 4位藝人參與儀式，包括有苟芸慧、吳千語、王君馨及陳展鵬，其中王君馨及陳展鵬更獲邀成為座上客，即席在展場飛馳。

日本代表撐場飛

今次 IS登場除有代理高層外，日本車廠亦派出 IS副總工程師小林直樹先生（左）及廠方專業試車手伊藤好章先生（右）到港，為的就是在機場博覽館外設置試車賽道，在數百名嘉賓面前展示出新 IS的強勁性能表現。

「車內最有話題一定係個 LFA表板。」

代理以 IS350 F Sport打頭陣的最大原因，是因為它的表板設計由超跑 LFA直接移植過來，中央實體圓表可以向右方移動，騰出左方更大的 LCD屏幕顯示多項行車數據。「冇嘢好講啦！車內最有話題一定係個 LFA表板，終於好似第１代個表板咁有型。不過我覺得個表板功能太勁，勁到中控台個 mon都失色。」筆者認同 Michael講法，表板有型得過分！除表板外，中控台上都加入首創靜電式觸感溫度調控，用手指輕輕一掃即可調校冷氣溫度，方便又 hi-tech。

新款儀表由 LFA直接移植。 

轉入 sport模式，轉數表會亮起白光圈。 

中央實體表可以向右移，騰出左邊更大顯示屏。

「雖然實際係大過 335，但車身比想像中細。」

新款 IS車身比上代長 90mm，加上 IS350 F Sport用上較誇張包圍，所以望落好像比上代大頗多。事實上 IS350 F Sport比 335i只長 24mm，然而可能因為線條影響， 335i感覺修長一點。「我第一眼見部 IS就覺佢唔算大部，雖然實際係大過 335i，但車身比想像中細，或者因為車窗比較細影響。坐入車廂就更加明顯，睇位一啲都唔難。」 IS350 F Sport現時以近 70萬元車價開售，只比 335i平幾萬元， Michael認為唔算好貴，但卻坦言未有興趣。「我自己係 BMW車迷，未必中肯，但以一般用家心態，差幾萬蚊就已經揸歐洲車，梗係會揀 BMW啦，而且將來賣出去易手價值較好。」

IS中控台比 335i更具創意，而斜台式設計亦方便操作。 

335i雖然今代 3系中控台 hi-tech咗好多，但對比起 IS， cyber味同高級感都仲有距離。 

F Sport版專用軚環刻有標誌性 F字。

金屬腳踏都設有防滑功能。 

靜電式觸感冷氣掣世界首創， LS都沒有。 

天窗面積不算大，但仍可為車內提供更好空間感。

共用 GS350的引擎，馬力達 317匹。 

設有多種行車模式設定，一個扭掣便可操作。 

8速自動波箱首次出現在 IS350 F Sport之上， IS250只用 6速款式。

「車廂寧靜舒適，隔音比 BMW好。」

Lexus在創品牌之始，已定下很嚴格的車廂舒適性標準，尤其隔音方面用了很多工夫， Michael試車前已表明對 IS350 F Sport的舒適性有期望。新款座位外表似乎有不俗承托力，前座腰部位置比 335i的更大，預期表現更好。「我覺得 IS個車廂寧靜舒適，隔音比 BMW好，但前座有少少失望，腰部位置頗硬，承托唔夠我部好，而後座地台凸槽好大嚿，中間乘客坐得比較辛苦。」筆者不及 Michael高大，所以坐入後座都未算狹窄，反而因為前座有冷風功能而感覺舒適性頗高。

335iIS350 F Sport前座望落大張，但 Michael表示包承力不及 335i。 

IS350 F Sport 

後座空間方面， 335i稍勝， IS350 F Sport用紅色真皮則較搶眼。 

「 NA引擎表現比較斯文。」

IS350 F Sport引擎源自 GS350，輸出馬力達到 317匹，比 335i的 306匹還要高， 3.5公升 V6自然吸氣引擎的表現都同 335i的 3.0公升直 6 turbo有點分別。「我試車前都預料 IS嘅 NA引擎表現比較斯文，事實的確係咁，發力柔過 335，而且我覺得 Sport同 Sport+模式分別唔算大，最明顯係個電子軚會因應駕駛模式同速度變得較硬。不過如果單以加速表現，兩部車會好接近。」筆者一早已覺 IS350 F Sport偏向斯文，尤其波箱表現順滑，拖波反應不夠明顯，如果以房跑角度睇 IS350 F Sport，它是一款偏向舒適性較多的房跑車，而 335i則相反。

Michael認為 IS350 F Sport表示斯文，係一部不俗的行政房車。 


撰文：袁國基
攝影：葉偉豪