由 Isla Fisheer(左起)、 Jesse Eisenberg、 Woody Harelson及 Dave Franco飾演的魔術團體「四騎士」,表面係魔術師,實際上係劫富濟貧嘅大慈善家,專門將奸商嘅錢「變走」,再派街坊!
FBI
零 CG《非常盜》考起《玩嘢》魔術王
水底解鎖
戲中飾演魔術團體「四騎士」之一的女演員 Isla Fisher(艾娜菲舒亞),須於一分鐘內在水箱中解鎖逃脫,否則一係浸死、一係俾由頭頂倒入箱中嘅食人魚咬死!曾經表演過類似魔術, Louis話魔術師守則係唔以穿橋,但就話其實唔難,「我試過 25.75秒內解到鎖,但戲入面呢幕設計得好好,唔係齋解鎖咁簡單,佢倒食人魚入去扮到表演者俾魚咬,搞到水變紅色,可以刺激觀眾情緒之餘,更可令表演者趁水渾濁時走甩!」
難度:★★★★
手扣轉移
拍過《社交網絡》嘅 Jesse Eisenberg(謝西艾辛堡),當眾表演打劫銀行後被 FBI盤問,原本扣在謝西手上副手扣,忽然喺謝西拍一下枱後轉移到對面位 FBI手上,鎖匙亦離奇喺枱面罐汽水入面! Louis表示暫時未親眼見過呢種魔術,肯定係屬於高難度項目喎!
難度:★★★★★
泡泡美女
呢幕講謝西用手變大咗個泡泡,然後拍檔艾娜菲舒亞要走入泡泡入面再成個升起。 Louis話係飄移魔術,「大衞高柏飛經常用呢招,呢種魔術訓練過程好長,最主要係模仿飛嘅動作,因為泡入面唔係漫無目的地飛行,而係有方向地飛!我認為成個場面最神奇係佢拍到個女演員可以穿入個泡泡入面,呢下真係好難做到!」
難度:★★★★★
無痕燒紙
戲中摩根費曼「拍」一聲令手上嘅紙着火然後消失, Louis話呢種「火紙」(Flash Paper)屬行內常用道具,特點係燒完可以冇灰燼留低。「靚嘅火紙要專程喺美國訂,一張紙巾咁大都要 3、 40蚊港幣,雖然好易買到,但佢變出嚟嘅火好大好光,千祈唔好亂試!」
難度:★★★
飾演 FBI密探嘅麥克雷法路(左),之前做過《變形俠醫》,戲中表面上俾班魔玩到謝,實際上又係雙重身份!《非》片截至上週五上映 2日,香港票房超過 3百萬,成績算唔錯。
留言列表