下個月就有得睇嘅《衝上雲霄Ⅱ》有防腐 Chilam加鎮宇 2位型男，仲有法拉同杏兒兩位花旦，追得過喎！ 

FBI

嫌空姐渣　法拉企硬做機師

等足 10年，《衝上雲霄 II》終於下個月 15號首播。大家都關心究竟飾演女飛機師嘅陳法拉，最後會揀吳鎮宇定係張智霖呢？

套劇未上， FBI當然唔想咁快爆結局住啦，但講開法拉， FBI聽聞法拉原本喺《衝 II》嘅角色同上集陳慧珊一樣係空姐，但佢就嫌做空姐太渣，「形」住只係做空中侍應，所以佢要求班編劇改劇本，將佢由空姐變機師，否則就唔接《衝》劇咁話。陳慧珊已經推咗，咁 TVB當然唔想連法拉都冇埋，當然就晒佢，改咪改囉，空姐就由胡定欣孭飛同機師羅仲謙撻着。


法拉唔肯做空姐，死要做機師，的而且確，佢呢個造型又幾有型有款嘅。 

'0303年《衝上雲霄》係 TVB台慶劇，當年有馬德鐘、吳鎮宇、吳卓羲、黄宗澤等， 10年後班底剩番一半咋！ 

上集，吳鎮宇同飾演空姐嘅陳慧珊始終冇喺埋一齊，好多《衝》粉希望佢哋可以再續前緣，可惜陳慧珊推咗《衝Ⅱ》。

撰文、攝影： FBI

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄