金鐘國雖然年屆 37，但一直 keep住玩健身，仲好似張家輝咁狂食蛋白谷肌，谷出 40吋胸肌， man爆。
韓面
《 Running Man》金鐘國 713盛男抱抱
韓國最具代表性人氣遊戲節目《 Running Man》，由 10年開播至今，每集平均收視超過 10%，唔只係韓國皇牌綜藝節目，仲捧紅幾位主持，尤其大隻佬金鐘國。
現年 37歲的金鐘國，矇豬眼容易認，而且勁玩得，唔只做主持受歡迎，唱 rap跳 hip hop更難佢唔到，當然賣點係 40吋巨胸， man過張家輝。下月中金鐘國將率領 Running兄弟來港開騷，到時鐘國 oppa更有可能爆肌同女 fans玩抱抱。最正係金鐘國近年都冇緋聞，好可能仲係單身盛男。港女吼佢點都好過吼班巖巉求愛港男啩？
露朱古力肚金鐘國既然操得一副健碩身型，當然要喺《 Running Man》節目中，剝衫鈕露 6嚿朱古力腹肌騷 quali。 
RM帶紅3年前開播嘅《 Running Man》，頭一年平均收視超過 10%。由於節目愈來愈受歡迎，今年收視曾標升至 24.8%，除節目大 hit，更帶紅劉在石及金鐘國等主持人。
玩 game晒體能
做鄭容和陪襯前年 11月，金鐘國曾隨《 Running Man》大隊來港拍攝，當時金鐘國（紅圈）曾帶住 CNBlue主音鄭容和（黃圈）一齊搭昂平 360纜車上寶蓮寺玩遊戲，不過當時港迷多追住睇鄭容和，金鐘國變咗做陪襯。 
除上寶蓮寺，金鐘國（右一）更與另一位女主持宋智孝及鄭容和一齊去中環行人電梯附近玩賽跑，惹來大量途人圍觀。 
金毛出道做主持出名，其實金鐘國早於 95已跟金正南組成少男組合 Turbo，當時 19歲嘅金鐘國已染金毛，擺明走偶像路線。 
食過玉女金鐘國最令人深刻嘅緋聞就係 8年前同玉女尹恩惠，當年 2人仲甜蜜蜜搭晒膊頭，但最後戀情無疾而終。
霉星請食飯
金鐘國超紅，但入行 18年，事業曾陷入低潮。早前他於訪問自爆， 01年單飛發展出第 1張大碟《 Renaissance》後一度人氣大跌，曾試過 3年冇碟出，而且經濟出現問題，試過有次去食飯，竟撞到當時一樣是「霉」星的劉在石，但大家一直沒有傾談，之後叫埋單時卻發現原來劉在石偷偷幫他付錢。
「雖然餐飯唔係貴，但最重要係份心意。」所以當時金鐘國內心非常感激劉在石的無言鼓勵，自此發憤要做好歌手本分。至於愛情，金鐘國曾於 05年傳過同當時一齊參演綜藝節目《 X-MAN》的尹恩惠因日對夜對而撻着，但 06年金鐘國因要服兵役，由於聚少離多，最後分手收場。自此，金鐘國再無傳出緋聞，變成鑽石盛男。
港騷玩抱抱
一班將來港做騷嘅《 Running Man》主持，上週特登製作一段影片，大嗌：「 WE LOVE HONG KONG」嚟谷飛。
前年來過香港取景玩遊戲的《 Running Man》，下月 13日終於踩入香港亞洲博覽館舉行見面會，到時雖然劉在石及宋智孝未能隨隊來港，但仍有大隻佬金鐘國帶住 Gary、池石鎮同 HAHA跟港迷見面。屆時 4個大男人除又唱又跳娛賓外，更會抽出觀眾上台一齊玩遊戲。據知如觀眾玩遊戲勝出，唔只可以同偶像握手，更可以抱抱。
門票已於本月 17日公開發售，最貴飛為$980及最平飛為$680，要爆其實唔難。
留言列表
