FACEweekly

不凋謝的鍾欣桐

由同阿 Sa孖妹組合 Twins到各自發展，相比下阿嬌（鍾欣桐）感情路上尤多波折，不過 32歲的阿嬌自言天生樂天派，早前與韓籍男友無痛分手，即選擇在內地投入拍戲，早前更推出首張國語大碟《桐花》，寓意自己像中國南部海岸特產桐花一樣，生長能力非常堅強，甩拖？使乜驚！

大碟以花為題，講愛情觀。現實中你最喜歡甚麼花？

上年尾與吳克群合唱〈全部都給你〉後，內地作詞人吳向飛覺得我唱這類情歌好舒服，所以作出幾首如〈桐花〉的情歌給我，寓意花開花謝，隱喻着愛情有笑、有淚，剛好和分手新聞撞着，才有這種表達自己愛情觀感覺。我覺得自己倒像桐花，好快就無事，但現實我是很喜歡荷蘭特產黑色的鬱金香，好型㗎！

大碟 5個造型均由新加坡形象總監 Alvin Goh打造，最喜歡哪個造型？

我最鍾意係短頭髮的兩張，好唔似我但其實係我，哈哈，而且短到這個長度真係未試過，好新鮮。相片由 Alvin的新加坡攝影師朋友 GAN操刀，不過佢好惡呀，成日話我畀唔到佢想要嘅 pose，後尾 Alvin解話 GAN係純正麻甩佬，直腸直肚，無所謂啦，最緊要相靚。


Alvin Goh曾為荷里活明星如 Emma Watson、 Milla Jovovich及 Uma Thurman（圖）設計造型、早前又與護膚品牌 Kiehl's合作慈善相展為柏豪、吳尊、林峯等設計造型，就為護苗基金籌集得港幣 70萬。 

愛情路經歷風雨，怎樣整頓心情投入工作？

中學年代因為睇亞視萬綺雯主演的《大提琴與點三八》，覺得好有型所以玩過、比賽過。最近買了大提琴，有時間就會練番，充實自己。我同自己講，來臨 2年不會再接觸愛情，慶幸是自己遇到這麼多不開心的事，容忍度比以往高，以前好小事會發脾氣，𠵱家在內地拍戲等 7小時埋位都無怨過，咪睇睇戲中拍檔黃鴻升主演的《剩女保鏢》消磨時間囉。

2013過了大半，下半年有甚麼大計？

上半年大部分時間都在內地，來臨亦有與張智霖拍檔的電影《白狐》拍攝，好耐無返過屋企，都好掛住屋企，希望下半年盡可能回家陪家人。


撰文：陳家豪 

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄