港大政治與法制 Yr.1鄭浩泓為增加神秘感， HKU Dry Club的交友聚會都會要求大家先戴面具， Owen說：「大學多靚仔靚女，好易為咗個樣而鍾意一個人，我哋就係希望大家唔好 focus喺面貌度，而係留意大家嘅性格。」 

Main Camp

助 U仔脫毒　港大男貼錢搞學界《求愛》

無綫真人騷《求愛大作戰》又熱爆，你插我係極品港女，我卻笑你巖巉，總之愈鬧就愈要睇！
別以為求愛是盛男專利，就算是十八廿二的大學生，一樣大嗌 dry爆冇伴侶。曾經同是 dry仔一名，現就讀港大政治與法制 Yr.1的鄭浩泓（ Owen），就在 facebook開設〈 HKU Dry Club〉專頁，與其他港大孤男寡女分享愛情經歷，又搞交友聚會助同學脫毒識朋友，現在九間大學都有 HKU Dry Club的會員，連中學生至中女都跟實期望搵到真伴侶，原來全城齊「求愛」！

上週四（ 13日）， Owen在〈 HKU Dry Club〉 fb專頁吹雞邀請會員參加交友聚會，雖然最後得 3男 3女應約，但參加者都來自不同院校。有驚青 engineer仔，有口若懸河準女教師，就連剛考完中學文憑試的女生都有。
起初幾位會員怕怕醜醜， Owen見氣氛尷尬，就卒先開腔暖場：「今日聚會主要喺識吓新朋友，所以大家唔好太拘謹！」接着就帶領大家玩小遊戲，又分享各自的愛情觀，經過近 3個鐘的交友聚會，驚青仔同女教師最後都成功交換聯絡方法，相約私下再聚，成功率絕對高過真人騷。

Dry仔互相慰藉

以前 dry男Owen（紅圈）自己亦 dry過，亦試過身邊冇女，大時大節得男仔相伴，所以成立「 HKU Dry Club」希望鼓勵同路人，「其實我哋 HKU Dry Club嘅『 Dry』唔係解飢渴同生活枯燥，反而係唔滿意現狀想改變，所以無論你冇拖拍、拍緊拖，甚至一腳踏幾船，都可以係 dry，都可以改變！」 

冒出「 HKU Dry Club」的概念，搞手 Owen初初只因想找同路人吹水、 post一些網上 gag圖、笑話，當是慰藉大家。但一次 Owen在網上分享自己的愛情故事，卻惹來熱烈討論。「我開頭只係分享吓之前同 Ex（前度女朋友）啲嗌交過程，冇諗過有咁大回響。之後就開始陸續有人分享自己嘅愛情故事，漸漸 HKU Dry Club就成為咗分享愛情觀嘅基地。」

怕分手唔敢拍拖

𠵱家繽紛除了住 hall， Owen（右一）亦是國際大學生組織 AIESEC的成員，經常帶來自不同國家的交流生，到香港各處參觀， Owen直言：「喺 HKU Dry Club唔只幫到人，仲令我識多咗朋友，有時啲會員會多謝我哋畀意見同鼓勵佢哋，呢啲亦係我啲堅持落去嘅動力！」 

記者在 Owen搞的交友聚會所見， 20歲從未拍過拖、穿紅衫的港大 engineer仔 Kartin口窒窒自我介紹：「大家好，我叫 Kartin（哈哈哈）！」到分享個人愛情觀時，他突然激動說：「好憎啲人藉上莊溝女，組爸變獸父，借機會溝組女！」在場的女會員見到即 O嘴，主持人 Owen即笑笑口：「我啲 friend都係咁呀！哈哈哈！」以笑聲打完場。
在整個交友會中，女會員竟較為主導，無論玩遊戲及發言都甚為踴躍，男會員則非常被動，尤其在踩氣球遊戲， Owen要求男女會員幫手吹氣球，另一男會員 David竟在女生面前說：「我唔夠氣吹唔到！」最後只勉強吹了一個小如蘋果嘅氣球。
交友會散場後， Owen直說：「我哋大部分男會員明顯怕醜，就係畀佢哋多啲機會接觸異性先有進步，好多女會員都知道有咁情況，所以唔同一般 speed dating，會員唔係話要好飢渴，一定要溝到女，如果真係可以撮合到就當然好，就算唔得咪當識吓人。我哋暑假仲會搞多幾次交友聚會，隨時會蝕本，只要真係幫到大家都冇所謂嘅！」

求愛坦白講

唔似得《求愛》盛男盛女，句句尖酸刻薄，「 HKU Dry Club」參加者坦白得多，其實求真愛唔使扮嘢仲多人 like。

搵真愛

港大文學士 Yr.1 Bethany：全場最索在當日的交友會中，以港大文學院 Yr.1的 Bethany最索，白恤衫短褲出席，由於他是眾會員中拍拖經驗最豐富，有 4次拍拖經驗，在分享愛情觀時特別有 point，事後男女會員都紛紛向她攞電話，希望再跟她約會。 

大學的戀愛文化其實好速食，因為選擇多，分手好快識過第二個，一個正常女仔分分鐘有五、六個男仔 flirt（挑情）緊，所以一嗌交就好易俾人撬咗而分手，反而想正正經經拍拖就好難，所以我想喺度搵番啲對愛情認真嘅男生做男友！

改善兩性溝通

港大土木工程學 Yr.1 Kartin：表現生硬除了分享愛情睇法， Owen為令本來唔認識的參加者更投入，會帶領大家玩一些小遊戲，不過觀察所見，會員好多硬晒軚：「大家都係後生仔，其實一玩就好快熟！」 

以為大學識女仔好易，其實仲難過中學，中學都有間課室困住，但大學一上完堂就散水，我嗰科仲要係重災區，男女比例成 9:1，根本好難識到異性。我都想喺大學拍拖，但我自問好怕醜，我又唔想因為想溝女而上莊。

U仔網爆性經驗

HKU Dry Club在網上成立幾個月就有近 3千人 like，玩法似 fb secrets，管理員不單負責 post文，更會解答會員愛情問題，不過最吸引係啲 U仔自爆愛情史，分分鐘好睇過無綫劇集。

1.落 club又要扮矜持，想溝乖仔去圖書館啦；着到鬼咁索鬼咁低胸，望一望又話人哋變態鹹濕佬；請你飲杯嘢又話賤男想隊冧你帶你開房，其實你落 club無仔同你講嘢你仲 sad啦！

2.我真係真係好鍾意佢，同佢一齊呢一年，我真係咩都千依百順，要我做咩都肯，咩都畀晒佢，可惜原來佢只當我係 SP（ sex partner），我真係想死！

Main Camp： Main Campus簡稱，意即主校園，各大專潮人潮事當然離不開 Main Campus。

撰文：校園組
攝影：何榮亮