林芷嘉係富家女，平時生活相當富貴。夏天多數同朋友開船 P，除咗 C cup身材外，身形比例亦相當勻稱，絕對有條件入圍。(網上圖片)
真面目
林芷嘉 熱門起底 是非港姐反僭建 33C栢芝奶媽：我冇打假波
一年一度的港姐經過上週一（ 10號）首輪面試後，本週一進入第二輪。熱門佳麗如「栢芝奶媽」林芷嘉、「飛釘千雪」劉溫馨及「黑 bra千語」順利過關。鋒頭最勁肯定係幾乎日日有新聞的林芷嘉，未入圍已被揭有大量性感相及明星「集郵」照，更被指曾整容、隆胸及拜金。
林芷嘉對無理指控逐點反擊，她接受本刊訪問時強調：「我冇 D cup，但我肯定冇打假波！我全身冇整過！」講真話係可以大聲啲！
激似章子怡無綫第二輪面試講明會驗港姐胸，林芷嘉話冇有怕。本週一面對傳媒時信心十足，笑起上嚟仲激似章子怡。
選港姐以往最緊要玉潔冰清， facebook私相、家庭背境最好收埋，愈低調愈好，不過港姐今年主題係「超越想像」，估唔到參選佳麗都反傳統，唔少佳麗都被揭舊史，其中最多新聞係有「栢芝奶媽」之稱的林芷嘉。
有米港女
26歲林芷嘉雖然於週一（ 17日）有份入選第二輪面試，未算正式入圍，但鋒頭已蓋過一眾佳麗。林芷嘉於首日面試已谷胸上陣，其 facebook亦上載唔少性感相及跟名人合照。原來林芷嘉並非靠黐，家庭背景相當不錯。
林父經營水晶及飛機模型生意，而芷嘉就於英國樸次茅夫大學國際商業及英文系畢業，現跟家人居於紅磡海逸豪園市值 6千萬複式單位。林芷嘉本身亦經營網上生意，專賣外國 party dress及古董 Chanel手袋，自己做老闆話事，唔使做打工女郎捱世界。
豪宅背景林芷嘉喺網上經營 party dress生意，所以 fb成日有佢着性感 party dress嘅相，而影相嘅場地多數係佢位於海逸豪園嘅屋企。(網上圖片) 
4吋事業線林芷嘉 fb有唔少性感相，但佢冇諗過於參選期間刪除，她說：「呢啲係我生活一部分，我冇咩唔見得人，所以我唔刪除。」夠晒爽直，果然係非一般港女。(網上圖片)
「我全身冇整過！」
除咗家庭背景被起底，林芷嘉身材亦被指僭建，於 facebook上載唔少性感照的芷嘉被指「不倒胸」，而且樣貌跟求學時分別甚大，更有傳她跟樂易玲關係密切，已內定入硬三甲。
為反駁指控，林芷嘉除於 facebook上載舊照證清，更接受電話訪問激動回應：「我唔識樂小姐㗎！面試嗰日第一次見，但話我隆胸、整容就好嬲囉。我冇 D cup但我肯定冇打假波！我全身冇整過！冇整容！唔怕被人驗，同埋，我冇靠男人生活，我自己有做生意。」林芷嘉烈女性格現晒形！如果順利入圍，今屆港姐就認真「超越想像」，唔係得個講字喇！
林芷嘉鍾意同名人及明星影相， fb發現她與名媛薛芷倫合照，但佢好坦白話自己只係影相，並不認識當事人。(網上圖片) 
林芷嘉屋企做水晶及飛機模型生意，所以林父不忍女兒喺香港受填鴨式教育，掟錢送女去英國升學。(網上圖片) 
2樓揸手林芷嘉現跟家人一齊住喺紅磡海逸豪園，市值 6,000萬複式單位。據知佢自己名下亦擁有另一個海逸豪園單位。但本刊翻查田土廳資料，卻未有發現。
林芷嘉 fb有唔少佢揸住 Chanel袋嘅相，原來係為咗佢賣 Vintage Chanel袋嘅生意，唔係用嚟炫富。(網上圖片) 
林芷嘉 11年喺於全英大學排名第 68位的樸次茅夫大學（ University of Portsmouth）畢業，主修國際商業及英文系，之後回港跟家人學做生意。(網上圖片)
有機入圍
除咗栢芝奶媽林芷嘉順利進入第二輪面試，其他大熱門亦順利現身，例如「飛釘千雪」劉溫馨，「透視千語」 Sisley都過關，反而有「大眼超蓮」嘅 Jenny Tsui徐艷薇就出局。
飛釘千雪冇身材
08年，當時劉溫馨得 18歲參選第一屆大連金石小姐即當冠軍。(網上圖片) 
參選金石小姐期間，劉溫馨拍攝宣傳片，當時身材未見出眾。(網上圖片) 
上週一(10日)首日面試，劉溫馨透點上陣，即成為傳媒焦點。 
首日透點搶鏡，週一第二輪面試劉溫馨即刻打足底，冇再透點。
透視千語愛湊鬼
今屆有唔少 ABC參選，其中以首日着透視裝，貌似吳千語嘅 Sisley Choi最突出。而其 fb亦有佢喺德國留學嘅生活相。其中有唔少佢同外籍男友拍拖相，不過 Sisley話同男友已分手，𠵱家係單身。
Sisley老豆係警察，而且擅長游水， Sisley有佢遺傳，超好動亦係游水健將。(網上圖片) 
Sisley喺德國讀民族學，其間同立陶宛籍男友 Deivi拍咗 3年拖。(網上圖片) 
Sisley條件不俗，可惜着衫及化妝就仲有好大進步空間。
大眼超蓮出局
22歲「大眼超蓮」 Jenny Tsui（徐艷薇）首日被指大熱，可惜最後被飛出局。不過做開 model嘅佢之前幫過男性雜誌《 HIM》影過性感泳衣相，身材有番咁上下，前途應該幾光明。
留言列表
