Rocky在《求愛》中為人陽光又正面，估不到 09年會涉及一宗強姦案。
封面
爆《求愛》臭史 賴女主動 Rocky：我係強姦犯
盛男 Rocky（黃憲麟）在《求愛大作戰》中被眾女稱為很醜但很溫柔，不過 Rocky野性一面好快就被揭開，有讀者在報章爆料指他喜愛夜蒲攬女之外，原來他 09年更曾涉及一宗在夜場發生的強姦案。
本刊日前更收到外洩 WhatsApp短訊，曾表示只是「協助調查」的 Rocky，卻留言向朋友自稱是強姦犯，其後雖再解釋當時「大家都飲醉酒。」不過強姦咁大件事， Rocky認真澄清好喎！
Rocky識女多，估唔到連日本妹都成為他朋友，交友圈子廣闊。
在《求愛大作戰》中，由肥仔變肌肉男、現年 29歲的 Rocky在節目中陽光兼健談，又在節目出街前，自發於 YouTube搞直播幫人重建自信，雖然外貌唔討好，但在一班《求愛》盛男中形象算突出。
平安夜出事
'08沙灘開 P在 Rocky fb內，發現他勁多跟女性夜蒲合照，而在 08年的一個相簿中，亦發現他跟多名女友人在沙灘開比堅尼派對。 
Rocky玩得，在 fb內亦發現他的一輯剝衫攬女照。 
咁辛苦由肥仔變肌男， Rocky在 fb亦經常除晒衫騷肌，在其中一次船 P內更跟女友人叠晒腳。
輔警自首
幾日後，一名姓黃的輔警到尖沙咀警署自首，稱與案件有關，獲准保釋候查卻被停止其輔警工作。
涉嫌強姦咁大件事， Rocky上週向傳媒澄清只是協助調查，《求》編導岑應更讚 Rocky夠坦白，節目拍攝前已主動提及此案。不過本刊收到 Rocky朋友流出的 WhatsApp對話，短訊內友人問及 Rocky單案， Rocky直認自己是 rapist（強姦犯）。
Rocky Wong用英文回覆：「 i(I) am a rapist（我是強姦犯）」配上一個苦情符號，之後 Rocky再解釋當時雙方飲醉酒，更是由女方做主動（ initiate and be proactive），但沒有交代事後有否自首或被檢控。
記者連日來多次聯絡 Rocky想了解真相，至截稿前仍未回覆。
WhatsApp自白本刊獲得 Rocky跟好友的 WhatsApp內容，內容除直認自己是強姦犯，還開玩笑叫友人不要告發他。 
09年 12月 26日《蘋果日報》09年《蘋果日報》亦有報道一宗於平安夜，在尖沙咀棉登徑一酒吧發生的強姦案。 
《蘋果日報》圖片
做過輔警08年 8月尾時， Rocky輔警訓練畢業，爹哋媽咪亦有一齊觀禮。 
Rocky愛飲酒，於節目亦曾兩次因飲大咗出事，其中第五集中， Rocky飲大兩杯更自 high唱歌。
Vincent堅溝律師
Vincent在節目中明顯𥄫中原籍江西的律師 Alice，早前本刊便發現 Vincent北上深圳見面，溝女唔怕路程遠。 
在節目中 Vincent對大陸有錢女 Vivien冇性趣，又直言男人要上床，一副食女格。 
早前 Vincent和一班《求愛》人員卡拉 OK，之後有女工作人員醉到倒地，但 Vincent仍只顧住傾電話。
廠佬富豪同居獨立屋 整容狂 Queenie：我愛虛榮
早前 Queenie出席完《求愛》宣傳後，一個人往尖沙咀加連威老道行街，其間全程專注睇電話，似乎好多人搵佢。
上年《盛女愛作戰》的人生教練 Winnie勁討厭，今輯《求愛》中的整容狂陳莉敏 Queenie卻未惹人反感，上週更大膽自白，話自己曾經太虛榮：「一直都冇找到所謂幸福！」博得姊妹認同。
Queenie感受深，原來 40歲的她情路曾重創，曾經跟廠佬有米男友同居於西貢獨立屋，其後男友變心，據知大受刺激的 Queenie因此踏上整容路。
我睇到以前嘅自己。（真實對白）Queenie上週在《求愛》第三集中，自爆曾因貪慕虛榮而「一直都冇找到所謂幸福！」勁真心要 like。
分手續照顧
睇平貨忙 check電話之餘， Queenie亦不忘 shopping，不過她冇乜留心名牌，反而連街邊賣水晶手鏈（箭嘴）的店鋪亦想入貨。 
2,500呎同居屋Queenie早於 02年已經與男友同居於西頁 2,500呎夏威夷花園獨立屋，至 10年兩人分手後， Queenie仍居於此。《壹週刊》圖片 
人生教練有女陪
唔計綠魔 Karl，今集其餘人生教練作風較低調，起碼暫時冇亂講嘢令人反感。不過教得人追女，自己冇條女點似樣，其中陳定邦女友更加係樣靚又後生。
曹祐謙拖長髮女
上週成班《求愛》男女同導師約埋一齊包場睇首播，開設配對公司的曹祐謙則帶埋長髮女友一齊出席，本刊問他長髮女子身份時，三十出頭的曹顯得好小心說：「我𠵱家唔得閒，遲啲先覆你！」
陳定邦溝𡃁妹
氹𡃁模賣身 綠魔扮基摸女胸
《求愛》教練 Queenie整容又貪慕虛榮，但至少講嘢真心唔乞人憎，論搶鏡和負評，有「綠魔」之稱嘅盛男形象指導許嘉浩（ Karl）贏晒！「綠魔」憑雌雄打扮，被網友勁鬧佢不男不女，比起上次 45度 Santino掀起更大話題。
據多位跟他共事過及友人均力數他扮基溝女，夜場抽水及因財反面等多宗罪。上週五（ 14日）， 23歲 Karl為本刊拍攝「艷照」時更大反擊澄清。
同女仔拍 3次拖被網民話不男不女的 Karl，細個時較男性化，而他亦堅稱自己拍過 3次拖，由佢提供的照片發現，「綠魔」個 ex仲靚過佢班𡃁模喎！
F：《 FACE》 K： Karl
F：你着成咁，父母會唔會反對？
K：爸爸做公務員，媽咪係文員，我係獨生子，佢哋明白我工作性質，所以父母及親戚朋友都唔覺得我標奇立異，我唔係易服癖或扮女人囉，我好鍾意 fashion，我唔覺得留長髮着裙有問題喎！
扮同志抽水
F：你究竟鍾意男定女？
K：我之前拍過 3次拖，都係讀書時候， 3個都係女仔主動追我嘅，最耐拍咗年半，我鍾意爽朗啲嘅女仔，大個咗覺得男女都冇所謂，最緊要啱 feel溝通到，一直都有唔少男女追求者，不過𠵱家留長髮係多咗男性追。（據知 Karl會向不少𡃁模女友詳述如何被男孩子追求，令友人們認識他初期，都以為佢係「姊妹」）
F：有人話你扮基抽水，有次你同幾個女仔唱卡拉 OK，借醉摸女人胸喎！
K：吓？平時一齊玩得嘅都好 friend，完全冇咁嘅事發生，又冇呢個人同實質證據，好搞笑囉！
F：之前有𡃁模被傳賣淫，有指其實係經你搭路？
K：我同嗰位當事人其實係朋友，但佢嘅私人嘢及圈子……我冇做過啲咁嘅事，同埋我唔等錢使囉。
F：你幫林莉做形象指導，之後因為佢不滿你成日周圍放料，所以反面收場喎！
K：當時我係做 freelance，當時林莉選完港姐想做 model，佢想要個 full time嘅人，但我又開始多活動搞，之後冇喺佢公司度做，而我有乜啱佢嘅 job就 pass番畀佢公司嘅人處理，所以冇反面。
Karl因第一集的綠色西裝套裝而被封為「綠魔」。上週再在 facebook上載被綠膠纏身的風騷樣相片，睇嚟佢真係好 enjoy。 
勁姿整注重衣着及外表的 Karl，拍攝途中亦不時補妝及照鏡，甚為姿整。
疑似 take大
童年追星Karl曾在多間電影任職宣傳人員，為《樸克王》宣傳時，難得見到古天樂，當然要合照。
F：𡃁模界盛傳你有次疑似 take咗嘢，喺個活動度大鬧白梓軒（三級片《安非他命》主角），話佢紅咗唔識人，連沈震軒都要過嚟勸交？
K：我哋三個冇同場過，又點會有呢啲事發生呢，我連煙都唔食，更加唔會食嗰啲嘢（毒品）。
F：有𡃁模投訴你收人 8,000蚊幫佢哋影 portfolio相，但去到連 set頭化妝都冇準備！
K：我淨係幫人宣傳，從來冇幫過人安排影相，更加唔會收人錢啦！
面對咁多負評指控，綠魔一樣嗲聲對答如流，又加以生動蘭花手配合，佢真係絕對有做藝人條件囉！
口臭 Sharon冇人 match
港女 Sharon狠評完盛男巖巉後，反被網民反評佢係「豬扒」，擁有一對長腿的 Sharon，閒時有做攝模擺起 pose都似模似樣，上週她在 fb中曾表示「歡迎各位搵我做 model影相」，但 post一日已即刻刪除。 
皮膚唔太好的 Sharon，用咗美圖秀秀的柔焦效果下，都算呃到人。 
採訪、撰文、攝影：娛樂組
留言列表
