黑松露炒蛋$308
Missing Out
意式四重奏松露蛋
正為同另一半慶祝紀念日嘅地點頭痕,有半世紀歷史的 Sabatini, 1958年由 Sabatini兄弟經營,總店開在意大利羅馬 Trastevere一幢上 700年歷史的古老建築物內,裝修典雅,勁古羅馬 style。香港店設計跟足總店,一磚一瓦,也是意大利貨,牆身更是從當地請專人設計,原汁原味,勁 romantic。
Michael推介這裏一道 secret menu:黑松露煎蛋。 2隻意大利有機雞蛋,加入法國忌廉、牛油,以慢火邊攪邊快炒 2分鐘,放上片片法國 Perigord黑松露,該區的黑松露,堪稱黑松露界中的 blue blood,每公斤要成$16,000,以極濃的香味見稱,果然,入口先是黑松露香味襲來,接着是濃郁牛油香緊隨其後,再來綿滑無比的雞蛋溶在口腔,再加埋香脆吐司,一啖四重奏,最後重歸於一,食完好耐,味道仍然留於齒頰,肯定你與另一半約會未完便掛念。
意大利的 Sabatini設有露天座位。
Michael相約愛侶吃飯乃一大學問,裝修仿效意大利總店,而一客炒蛋多士,用上意大利蛋快炒,啖啖綿滑有層次,食完伴侶一定喜歡你更多。
Sabatini
地址:尖沙咀麼地道 69號帝苑酒店 3樓
電話: 2733 2000
營業時間: 12nn-2:30pm, 6pm-11pm
何謂 missing out?
《 FACE》飲食版監修人少年食神 Michael
本地有不少舊菜式被封箱,絕跡的原因可能是製作繁複、老師傅年華老去等等。
不過只要你飲食經驗豐富,用心搜索,總有漏網之魚在附近。
每期少年食神 Michael發掘滄海遺珠,把舊時的食物連帶回憶重現眼前。
撰文:梁智欣
攝影:顏青瑋
留言列表