出名樣子甜美嘅陳茵媺，上週二（ 11日）着住 Lanvin婚紗嫁畀陳豪。沒有港女的造作，呢一刻的陳茵媺靚過選港姐。
真面目
一家三口 陳豪搵錢陪唔實 陳茵媺暑假返港等生
42歲超筍盤陳豪與 32歲陳茵媺（ Aimee）上週二（ 11日）於法國巴黎拉埋天窗，浪漫又豪華的婚禮，羨慕死唔少港女。之不過婚禮後第三日，陳豪便因工作要趕返香港，而有餡茵媺就單獨返回多倫多安胎。
據知，快為人父的陳豪因忙於在港搵奶粉錢，所以不能推 job陪老婆，至於 Aimee雖人在多倫多老家，心卻緊繫老公，據悉 Aimee將於暑假，待胎兒穩定後返港陪老公，陳豪更有意讓老婆在港生仔，準備出年陪老婆入產房。
42歲陳豪和 32歲陳茵媺拍拖 2年多，二人終在上週二（ 11日）於法國巴黎低調完婚， Aimee隨即將婚照於微博上公布，短短數小時已獲幾十萬網民留言祝福，近年甚少藝人結婚會咁得市民歡心。
陳豪要求先分開
據知二人在準備婚禮時，陳豪已決定要同老婆先分居。「 Moses（陳豪）當然好想 Aimee喺佢身邊，不過佢一條麻甩佬，邊識照顧大肚婆吖，加上大埔比華利山間屋又未搞掂，所以 Moses之前已經問好外母，想先將 Aimee安頓喺多倫多，等佢有媽咪照顧，而 Moses就返香港做埋之前接落嘅 job，到 Aimee個胎佗得穩定，咪一家團聚囉！ Aimee都唔想離開老公咁耐，暫定暑假左右會返嚟。」知情人士說。
其實陳豪近年已成為廣告商寵兒，加上形象健康入屋，接廣告都接到手軟。上週急急腳趕返港，都係為月餅商拍廣告。
情定巴黎去年 11月，二人被拍到在巴黎羅浮宮門外。據知當時二人已決定日後婚禮要喺巴黎舉行，估唔到事隔半年多便成事，仲係三人婚禮添！ 
夢幻婚禮靚人靚景嘅巴黎豪華婚禮，短短 5日 4夜，盛傳使咗陳豪 300萬。不過以陳豪今時今日的財力，絕對花得起。
「一有時間過去睇佢！」
一心要圓咖啡夢的陳豪，早年曾在馬來西亞開咖啡店，但因無暇打理，加上遇人不淑，開業一年未夠已結業。本來陳豪已有打算在港開設咖啡店，實行落手落腳兼自己睇番。不過豪 B突如其來，即將與無綫約滿的陳豪，原先計劃好要做生意，到外面世界闖一闖，可惜做生意始終有風險，而且仔細老婆嫩，陳豪近日已開始跟無綫傾續約，希望取得更大自由度之餘，亦足夠養起全家。
不過陳豪靜雞雞在巴黎與 Aimee完婚，卻引起無綫高層樂易玲不滿。知情者透露：「當時樂小姐有講過不如畀公司直擊，但 Moses一口拒絕，佢話想喺一個好低調、冇人知道嘅情況下同 Aimee結婚，點知轉個頭就俾另一本雜誌全程直擊，樂小姐知道係有人放料，嬲到死死吓。」
精靈人夫週一（ 17日）陳豪婚後首日開工拍月餅廣告。陳豪一埋位就表得得鬼咁精神，當然係因為人逢喜事啦！ 
狂騷婚戒上週五（ 14日）陳豪撇低老婆率先返港向傳媒交代，更舉起左手狂騷婚戒，一貫陳豪冇秘密嘅性格。
本週一，陳豪於清水灣拍月餅廣告，已忍唔住爆響口就快做老豆。
記：記者 陳：陳豪
記： Aimee係咪留喺加拿大待產？
陳：未知道，好多決定暫時都要做……遲啲先會知道。
記：有冇話要適應吓湊仔？
陳：大家唔好斷佢米路啦。 Aimee係一個好演員，唔拍戲嘥晒！佢可以又做媽咪，一方面又做演員。
記：係咪𠵱家畀佢安胎，咁你就要努力搵奶粉錢？
陳：男大當家，要更加鞏固自己嘅事業先。
記：你咁忙，會唔會冇時間過去睇佢？
陳：我做埋嘢先啦，安頓晒先啦，一有時間我會過去睇佢。
記：幾時擺喜酒？
陳：我會分開同唔同嘅 parties食飯，細細 group咁。
記：學習做嗲哋？
陳：坦白講好多嘢未識……要向啲爸爸取吓經。
宣傳有排忙同法拉合作嘅《傳愛事務所》被安排於台慶檔期播出！ 
監製徐正康陳豪已答應於 9月出演《傳》劇監製徐正康新劇，睇怕拍完都收得爐，準備入產房喇！ 
激嬲樂大媽樂小姐向來大小事務都要理，不過今次親生仔要結婚都要焗扮唔知情，唔嬲就假！《壹週刊》圖片
加拿大生仔平過香港
雖然豪 B會喺邊度出世仲係未知之數，不過茵媺嚟緊會返港陪老公，加上大肚婆成日坐飛機四圍去都唔係咁好，睇嚟喺香港生豪 B嘅機會都幾大，之不過原來加拿大生仔比香港經濟。
香港
加拿大
有傳茵媺會在多倫多嘅 North York General Hospital生豪 B。據知當年梁洛施都係喺呢間醫院生長子。不過茵媺係加籍，所以喺加拿大生仔，只需畀醫生費就可以，估計 10萬港元都唔使。
葡萄廖碧兒
癡心情長劍陳豪曾經同廖碧兒拍拖 6年， 10年有傳廖因搭上富豪林忠豪而狠飛陳豪。後來陳豪撻着陳茵媺，而廖碧兒卻得個桔。與陳豪分手後半年，碧兒更玩爆大鑊話當年信錯陳豪！搬弄是非唔緊要，講出嚟要有人信至得㗎！
最終筍盤陳豪已被陳茵媺封盤，而舊人廖碧兒就繼續自給自足，日前雙陳公布結婚，廖碧兒遲足大半日至回應恭喜，吃不到的葡萄是酸的，明嘅！
老豆補位週日（ 16日）父親節，廖碧兒冇仔陪惟有搵老豆頂上。 
曾經同陳豪拍拖 6年，可惜拜金性格令廖碧兒轉搭富二代林忠豪，最後慘變雙失碧兒，林忠豪仲話另有結婚對象。《壹週刊》圖片 
網民都睇廖碧兒唔順眼，結果綜合咗兩位前男友嘅下場。話離開碧兒嘅男人個個行運！
採訪、撰文：娛樂組
攝影：林迅景、賴穎雋
留言列表
