蔡一傑幫肉男揀衫前後腳走 @ tvbfun娛樂八掛大放送★

蔡一傑幫肉男揀衫前後腳走

■蔡一傑故意跟肉男前後腳走，一臉笑容以為未被發覺一齊濕平。

【中環】蔡一傑嘅性向成疑，加上佢同張耀揚被傳06年喺健身室認識，更爆出兩男嘅斷背情。張耀揚上月俾人影到同大隻仔行街，但蔡一傑都唔輸蝕，前日同個有肉地嘅男士現身中環買衫。

大概下晝4點45分蔡一傑單拖孭住大袋到中環雪廠街嘅I.T，原來嗰位肉地男一早喺度睇緊衫。兩個人會合後蔡一傑就幫肉男揀衫，仲話：「你試咗上身先啦，好睇呀。」然後不斷搵衫拼喺友人身上，之後蔡一傑一個人去咗睇衫試鞋。

■肉男喺時裝店裏面同傑仔會合睇衫。

■對於閃閃令嘅男裝鞋傑仔都好鍾意，見佢睇完又睇不過最後都冇買。

■幫朋友揀完衫蔡一傑自己都走去睇衫同試靴。

■小齊兩公婆離開時裝店發覺被追訪，就退番入舖頭。小齊夫婦血拼

另一方面，任賢齊同老婆Tina原來都在場，兩公婆分開血拼，各自搵店員幫手搵貨。買足一個鐘，小齊兩公婆心滿意足離開，不過出到門口見到被追訪，任太好快手彈開避免上鏡。小齊好緊張不停喺度解釋話：「唉呀，我哋成日嚟買衫㗎。」

當記者補祝小齊47歲生日時，佢多謝完又同老婆走番入時裝店。大概10分鐘後，小齊架七人車嚟到，小齊同老婆即刻出嚟上車走，全程保持微笑嘅。唔知係咪收到小齊通水，蔡一傑同肉男前後腳離開，肉男走咗15分鐘後，蔡一傑先走，以為記者唔知佢哋一齊行街買衫。傑仔仲做戲做全套，喺附近嘅名店行多個圈先走，以為神不知鬼不覺。

蔡一傑冇人陪落寞掃貨

性向成疑的張耀揚，多年來與同性好友蔡一傑（傑仔）關係密切，不時結伴外出。不過最近張耀揚身邊卻換來一大隻潮男，前日他又被發現與該潮男於中環孖住睇眼鏡，兩人有說有笑並肩而行，表現風騷。相隔不足一小時，傑仔同樣現身中環置裝，一支公的他卻一臉落寞，可惜最終兩人都緣慳一面！

單拖的蔡一傑身在中環shopping，但卻一臉落寞。

現年49歲的張耀揚，與同性密友蔡一傑相識27載，多年來不時被拍得出雙入對，又經常孖住去做gym，可見兩人「情比金堅」，即使早前傳出兩人情海翻波，傑仔仍直認對方是好朋友。及至最近，張耀揚身邊卻多了一名貌似陳國邦的大隻潮男。

姣男打扮

前日張耀揚再被發現與該名大隻潮男結伴到中環行街，身穿Deep V間條衫、粉紅色短褲的他，一身「姣」男打扮與大隻男於眼鏡店內試太陽眼鏡，當張耀揚埋鏡試戴，大隻男則在旁給予意見，全程寸步不離。但試完一輪卻沒有幫襯，「混吉」走人。步出店外，張耀揚卻不介意向着大隻男雙手（抓）大髀，沿途見兩人肩並肩而行，期間還有說有笑，極為風騷。

見到記者拍照，蔡一傑即「變面」笑晒。

張耀揚表現風騷，更一度雙手（抓）大髀。

張耀揚（左）與大隻潮男並肩而行，有講有笑，似乎關係非淺。