廖碧兒一身運動 look現身機場，同行嘅就係跟咗佢好多年嘅女助手。反而傳緋聞嘅內地男伴就唔見影！ 

FBI

吹脹碧兒冇仔跟

陳豪同陳茵媺喺巴黎完婚，受到全港祝褔。舊愛廖碧兒就慘喇，除咗被網友惡搞，話同佢分手嘅男人個個都行大運外，仲話佢溝唔掂富豪，要溝大陸仔呀！上週三（ 19日）碧兒專程由內地返港出席有線活動，可能鬆身衫關係，成個人好似吹脹咗咁冇晒鎖骨！

 

出席完活動後，廖碧兒即刻返橫店為內地劇《吉祥天寶》開工。當日內地二五咁啱喺杭州機場撞到佢，碧兒雖然着番修身運動衫，但望落去依然好大嚿。當日只有女助手接機，沿途唔見傳聞嘅內地新歡出現，其實 FBI聽講碧兒喺內地拍劇都收大約 8萬「人仔」一集。拍多幾套收入都幾可觀，冇男人泵水都唔會霉到冇飯開嘅！


碧兒自己孭住背囊，唔使助手攞晒行李咁辛苦，證明碧兒雖然貪錢，但就肯定冇公主病喎。 

好彩走得快！（設計對白） 

肥到冇骨

冇見一排嘅碧兒肥咗，但係冇靚咗。睇佢脹到連鎖骨都唔見，就知佢喺橫店應該唔係太辛苦。

眼紋勁

34歲廖碧兒遠睇塊面幾光滑，但近睇就有唔少眼紋，真係要好好保養喇！

廚藝差

上星期五，碧兒上載喺橫店煮通粉嘅相，仲問有冇人想食。坦白講， FBI睇個樣都覺得唔會好食，下次咪獻醜。


撰文、攝影： FBI

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄