17歲橋本愛，身高 5呎 5吋唔只亭亭玉立，而且眼大大超上鏡，最重要係有演技，單係今年已接拍 3部電影及 1套電視劇，極為搶手。
日面
致青春
夏天正式來臨，溫度下下過 30度，天時暑熱除咗游水，最好睇吓一班嫩口㗎妹消暑。
今年日本藝能界，無論影視圈、模界，甚至 AKB圍內，都有新血彈出，個個由 15歲至 21歲青春無敵，當中最先跑出，就係今年 17歲的橋本愛。愛妹 3年前拍過電影《告白》扮 cool爆學生妹，唔只眼大大、樣貌夠標致，上年至今狂拍電影，年頭仲橫掃多個電影新人獎，靚得嚟又有演技， 2013年佢玩晒。
Profile
年齡： 17歲
身高： 5呎 5吋
三圍： 32B/ 23/ 33
橋本愛 實力新星
今年 17歲的橋本愛， 12歲已由阿媽寄信去製作公司參加不同類型新星選拔賽。結果，於深田恭子所屬的 Horipro舉辦的新星發掘賽中獲得「特別賞」繼而入行。
橫掃 7獎
今年頭橋本愛擔正主演電影《再見 Debussy》。戲中，愛妹飾演一名天才鋼琴家，因一次遇上火警，從此改變命運。愛妹曾表示因自己人生經歷不足，所以拍此戲時需要用好多幻想去演戲，睇得出佢對演戲好有熱誠。 
今年 3月，愛妹憑住《聽說桐島要退社》一片攞電影製作人協會頒獎禮嘅「最佳女配角」獎，仲可以同憑《羅馬浴場》攞影帝嘅阿部[並排而坐，前途光明。
搭上奀星
上月橋本愛被影到多次同奀星落合扶樹拖手互訪雙方寓所，有次橋妹仲喺男友屋企換衫後再一齊去唱 K，有圖為證。
影視雙妹
19歲嘅能年玲奈，除今年仲擔正做日本國營電視台 NHK長劇《海女》女主角。套劇由 4月開始播足半年，一直 keep住曝光率。
Profile
年齡： 19歲
身高： 5呎 4吋
三圍： 30B/ 24/ 32
能年玲奈 陽光少女
今年頭玲奈已擔正演出電影《向日葵》，戲中玲奈飾演老戲骨長塚京三孫仔嘅女朋友， 2人不乏對手戲。
有村架純 天真食糊
20歲嘅有村架純，形象清純又帶幾分可憐，扮傻更更最叻，唔少㗎仔勁 like佢。 
從 1月演出日劇《助人為快樂之本》後，仲有兩套日劇輪住拍，半年內拍 3套劇，認真多產。
Profile
年齡： 20歲
身高： 5呎 3吋
三圍： 32B/ 24/ 32
AKB姊妹互片
近年日本藝能界被 AKB48玩晒，而且年年搞人氣投票選舉必捧出新血上位。今年從人氣總選彈出，分別有 16歲卜卜脆的松井珠理奈及 21歲純情妹松井玲奈，孭住 AKB偶像金漆招牌，唔紅都難。
松井珠理奈 老闆力捧
現年 16歲的松井珠理奈，早於 11歲先加入 AKB姊妹組合 SKE48，其後因表現良好受老細秋元康睇起，之後便連踩兩組分別擔任 SKE48及 AKB48成員。
由於近兩年， AKB人氣總選來來去去都係一班舊將玩晒，老闆秋元康決定力捧新血接班，所以今年便力谷 16歲的松井珠理奈。珠理奈結果由去年第 9位連跳 3級升上第 6位，而老闆秋元康更曾開口讚：「珠理奈喺咁多隊員中最具活力，只要有佢喺度，成隊人生猛晒。」去年開始珠理奈已歌、視同廣告 3線發展，有老闆照住，點會唔紅？
松井珠理奈雖然只得 16歲，但樣貌成熟，更經常以比堅尼示人，引死唔少宅男。 
經老闆秋元康安排由上年開始，每逢出騷，珠理奈都企前排，仲要喺一姐大島優子隔籬嘅靚位，擺明捧佢。 
今年 2月，珠理奈拍埋電視劇，同 AKB班姊妹如板野友美等一齊主演由秋元康監製日本電視台播放嘅日劇《 So Long！》，老細有好嘢都預埋佢。 
今年人氣總選中，珠理奈由去年第 9位連升 3級去到第 6位，上台頒獎時仲喊住話：「𠵱家先 16歲，以後嘅路都唔知點行。」咁即係晒命啦！
Profile
年齡： 16歲
身高： 5呎 4吋
三圍： 30B/ 24/ 34
松井玲奈 清純聽話
已 21歲嘅松井玲奈，雖然只得 5呎 4吋高，但樣貌清純，加上 31B身形唔怕露，兼且超聽話，抵老細秋元康捧佢上位。 
今年人氣總選中，松井玲奈由上年第 10位飇升 3級去到第 7位，人氣追貼好姊妹松井珠理奈。
Profile
年齡： 21歲
身高： 5呎 4吋
三圍： 31B/ 22/ 34
日模青春萬歲
玉城 Tina 天使賣萌
只得 15歲的玉城 Tina，去年參加「 Miss ID」𡃁模選舉勝出入行，今年更被日本暢銷 OL時裝雜誌《 ViVi》招攬，成為《 ViVi》史上最年輕專屬模。
沖繩出世的 Tina，爸爸是美國人、媽媽是日本人，雖然身高只得 5呎 4，由於是混血兒、加上輪廓標致似公仔，超萌娃娃臉啱晒㗎仔口味，所以 Tina由上年開始，唔只做雜誌模，仲行埋騷兼拍廣告，勁有市場。
15歲青春無敵嘅玉城 Tina，鍾意着 lolita裝扮萌，㗎仔都讚佢 kawaii呢！ 
今年加入辣妹時裝雜誌《 ViVi》做專屬模，最近《 ViVi》拍索熟模晒冷照， Tina（紅圈）都有份黐住一姐藤井 Lena（藍圈），《 ViVi》擺明谷佢上位。 
雖然只得 5呎 4吋，但勝在 kawaii有觀眾緣，今年 3月更升呢踏上 TGC舞台行天橋。
Profile
年齡： 15歲
身高： 5呎 4吋
三圍： 29A/ 24/ 31
西內瑪利也 魔鬼波霸
今年同玉城 Tina爭上𡃁模王寶座，就有 19歲的西內瑪利也。作為純正日本妹的瑪利也，雖然唔夠 Tina咁後生，但勝在身材標青，影水着相唔怕露，笑容仲勁 sweet。
3年前已被日本少女時裝雜誌《 Nicola》及《 Seventeen》招攬做專屬模，年頭更登上 Tokyo Girls Collection行天橋，升呢做專業模。
5呎 7吋高嘅西內瑪利也，擁有 32D魔鬼身材，着比堅尼影瞓床照，特別吸引。 
今年 3月西內瑪莉也一樣有份出席 TGC行天橋，同玉城 Tina撐到行。 
16歲已加入少女時裝雜誌《 Seventeen》做𡃁模，今年更升呢做埋封面女郎。
Profile
留言列表
