Vivian(右)與一眾師生在新校長前叫得聲嘶力竭,但新校長依然面不改容, Vivian直言不會認輸:「我哋仲商議緊下一步對策,我哋亦會喺 O Camp將件事話畀新生知,希望佢哋都會知發生咩事。」《蘋果日報》圖片
Main Camp
選梁粉校長 引爆嶺南起義
一年一度的七一遊行又就快到,雖然今年有個冇巨蛋的巨蛋騷搞維穩,但好在蒙蔽唔到市民精明眼。不過爭取全面普選多年,政府又聽了多少入耳?
拒聽民意的又豈只政府!上週一( 17日)嶺大校董會宣布,委任撐洗腦國民教育、挺 23條立法的「梁粉」、科大商學院院長鄭國漢為新校長,假諮詢終引爆在過去一年對校方施政手法不滿的嶺大學生、大呼「鄭國漢唔係我校長」,誓要全體起義向赤色校長說不!
師生默哀
當日一眾師生見反對無效,鄭國漢在民怨下仍能順利上任,大家只好站立,背向新任校長和校董會主席陳智思等,為嶺南的前途默哀。
假諮詢
為表對新校長的反對意見,嶺大學生除在校園內四處張貼標語,更在車路上用粉筆寫上反對字句。《蘋果日報》圖片
諮詢會在暑假舉行,仍有過 200名同學出席,全靠學生會會長、文化研究 Yr.1的葉泳琳( Vivian)在 fb吹雞,「諮詢都要揀暑假,根本係假諮詢啦!」上兩屆嶺大校長遴選長達兩年,但今次只有 4個月,前後只有一次諮詢,難怪同學反對,「我哋都知前校長陳玉樹提早離任,但都冇理由得一次諮詢,港大、理大、浸大、城大選校長,都有學生代表投票,點解我哋冇?」
假諮詢引爆學生,但其實嶺大生對校長不滿早已到爆發邊緣,過去一、兩年校內的連串行政失當,例如濫收學生,宿舍破漏,學生資源不足等,已令班學生谷埋谷埋,至今次黑箱選校長終於將不滿引爆,而今次校內小革命,除了主要由學生發動,連教職員都鮮有站出來反對新校長,有教授爆料:「以往無論反高鐵、保菜園村都會見我哋學生,而城邦教主,中文系助教陳雲不時又會發偉論,陳玉樹(前校長)畀好大自由,完全零干預,所以個個都驚,新校長有撐 23條同國教偏向,怕會日後干預教授嘅學術自由!」
假監察
谷爆 4宗罪
今次嶺大校長遴選,揀在暑假舉行,實質假諮詢,其意嶺大校董會濫權已非新鮮事,大至學位設施、小至學會申請資助,校方都少理學生不滿聲音,令嶺大仔積怨,所以同學邊會咁易放過新校長同校董會!
清潔工減薪
嶺大有錢起宿舍,不過舊宿舍設施卻非常不足,冇廚房、枱凳爛、隔音差,同學一直投訴,校董會就話之你,宿生惟有受苦。
削學會經費
據知嶺大為提高世界排名,校董會將大部分資源都放在研究和論文發表,學生福利就慘被剝削。有學會更指校方近年經常以資金不足為由拒絕批錢,有時連學生墊支都收唔番。
宿舍設施不足
學生會除撐碼頭工人,亦撐嶺大清潔工。上年校董會出陰招減清潔工工時加工作量,變相減薪。嶺大學生會又抱不平,可惜校方繼續不理會。
超額收生
上年嶺大社區學院因濫收學生 1.5倍,惹來師生狂轟。最後在學生會帶頭聲討,其後被指監察會係校方委任,自己人查自己人。
梁粉大學插旗
其實不少大學校長都被指有紅色背景,有政治任務。學生未投入社會,在大學已經被校方「河蟹」定,難怪一眾民主鬥士群起反抗。
城大中央棋子
城大校長郭位被踢爆在中央協助下成功連任。早前梁特首到城大出席活動,學聯在場靜坐示威,被城大保安及神秘黑衣人抬走,郭校長又再一次被指履行政治任務。
浸大受壓轉軚
半年前浸大校長陳新滋,公開不滿前李惠利分校不被政府批准興建中醫醫院,就揚言會劈炮,有傳校董會「梁粉」成員鄧淑德,追究陳校長反應過激一事,隨時影響續約,校長即開始對此事表現低調。
公大地下黨員
有傳公大新上任校長吳玉山是共產黨地下黨員,除上年支持國教科外,亦拒絕支持平反六四,可見其政治立場。
留言列表