生日會上丁丁當然唔會飲酒，但小春就飲到面紅紅，仲踎咗喺度，丁丁要夾實佢個頭影合照。網上圖片
FBI
大肚應采兒勁貪玩
有咗 5個月身孕嘅應采兒，雖然見晒肚，體重仲升到 140磅，但依然勁貪玩。
FBI發現月頭佢大住肚出席關心妍老公生日會，到上週四（ 20日）應采兒 30歲生日，老公陳小春就特別為佢喺西環尚品薈包場搞咗個生日會。小春仲喺微博話希望老婆年年有今日喎，不過老婆就回應：「年年都懷孕？」
只要應采兒肯，小春點會唔想年年添丁呀？
應采兒（丁丁）生日會，關心妍亦有出席，心妍仲同丁丁㩒住個肚影相，勁貪玩。網上圖片 
早前關心妍老公生日，仲以 super hero做主題，丁丁都有出席（右二）。關心妍仲扮復仇者入面嘅黑寡婦，好認真喎！ 
生日會上最 high嘅唔陳小春夫婦，反而係待嫁嘅 Yumiko，佢 high到走咗上台自彈自唱。網上圖片
撰文、攝影： FBI
全站熱搜
留言列表
