| 白姐姐聽「性」供 笑到碌地 |
陳振聰涉嫌偽造遺囑案審訊高潮迭起，最近庭上公開佢同小甜甜情慾關係嘅供詞，成為全城熱話，原來白姐姐早前亦曾到法庭聽審，佢話去到門口見排晒隊，好彩打尖搵到個位，聽到其中一段極有趣證供，佢忍唔住哈哈大笑，當時旁聽席好多人掩住嘴唔敢笑，見白姐姐笑出嚟而法官冇制止，大家就一齊爆笑。
白姐姐日前在網台接受慢必訪問，透露年前曾經應陳振聰邀請見過面，對方除咗問佢有乜橋，仲叫佢幫手睇吓風水改運，佢都覺得好奇怪，反而畀咗其他意見。據知白姐姐當時曾經建議，陳振聰如放棄所有小甜甜遺產，擺除呢個詛咒，就可以甩難，結果佢當然冇做到。
全站熱搜
留言列表
