飾演變態超人係今年 30歲嘅鈴木亮平， 11年已跟圈外人結婚，但接受訪問時，就講明唔准問有關佢老婆嘅問題，但就肯講佢阿爸同阿媽睇完《變態超人》後都大讚好好笑，仲叫佢努力。
搜尋氣
《變態超人》襲港：露蛋唔尷尬
由《低俗喜劇》爆起的低級趣味潮，連快上映的《重口味》都擺明 cheap大晒， cheap風唔只港產片，最近在香港上畫的超重口味日片《變態超人》，更加是低俗加變態。
《變》片由 30歲、 6呎高大威猛日男鈴木亮平主演，上週現身香港谷宣傳，戲中亮平要笠女人底褲上頭，兼且着連體內褲打出 pat pat先可以變身超人。雖然勁變態，但亮平就自豪話：「好想將《變態超人》拍到好似《復仇者聯盟》咁，喺荷里活發揚光大。」
記得第 1次試造型時，我着住條連體內褲其實近乎全裸，我照鏡時，自己對住自己都覺得好難堪，心諗被人見到真係好尷尬，但造型係依照漫畫，既然漫畫咁受歡迎，相信觀眾都想睇番同漫畫一樣嘅造型。唔知點解，當我笠底褲上頭後，竟然冇咗嗰種羞怯感，我諗我都有啲變態。
拍《變態超人》時，最難係着住連體內褲做戲，唔只成日走光，試過成隻蛋露出嚟，但奇怪其他女工作人員及演員見到都冇表現尷尬，所以我露蛋唔尷尬，走光照拍，最多 NG嚟過。
不過最慘拍攝時係冬天，天氣凍不特止，仲要着住條連體內褲出外景，真係凍到何 B仔都縮細。
拍之前都驚俾人定型，但今次我覺得自己做得成功，套戲係就係戀態，但冇賣弄性愛，好想將《戀態超人》拍到好似《復仇者聯盟》咁，喺荷里活發揚光大。
最近來香港見到香港觀眾睇試映時，唔似日本觀眾咁笑得好拘謹，反而開懷大笑，我見到呢啲反應都好開心。而且香港女仔好靚，香港女仔比日本女仔多啲肉，我好鍾意。
上週四（ 20日）晚，《變態超人》舉行試映，但當晚亮平着晒西裝冚到實，但就搵另一個騎呢男代佢扮變態超人出場。 
戲中，變態超人經常打出自己嘅「人肉腐皮壽司」對住人，令人尷尬到死，亮平就話：「底褲內冇攝任何嘢，全部都係真嘢。」 
9年前由男模起家嘅亮平，除行過唔少泳褲騷，更拍過男版妄攝寫真集騷肌。剝慣衫嘅亮平話：「我咁辛苦做 gym都係想人欣賞我嘅體型，唔露又點展示呢？所以我唔介意裸體。」 
亮平話香港觀眾睇戲時開懷大笑，令佢好開心，不過當佢一坐埋觀眾席同觀眾影合照時，前排觀眾即嚇到走晒，只有許穎（ Phoebe）師妹孫旗（左）同梁晶晶（右）兩個𡃁模黐埋去，博到張合照！ 
採訪、撰文：何家文
攝影：楊學
留言列表
