彭詠翹（ Vani）浸大傳理系公關及廣告 Yr.1今年 20歲的 Vani，有少少包包臉，問佢想唔想減肥，她說：「我覺得𠵱家圓圓哋幾得意呀！」
U花 U草
浸大文藝妹 享受單身 彭詠翹
《求愛》班女參賽者被指勢利兼物質，港女形象愈益下降，但好在凡事有例外，像現讀浸大傳理系的彭詠翹（ Vani）便是激罕文藝少女。
今年 20歲的彭詠翹，愛讀散文少上網，雖然於系內經常被讚靚女，但她不上高登學做女神，更加拒絕大學生談戀愛，純女一句「寧缺勿濫」，反而更令人有親近衝動。
喜歡閱讀的 Vani雖然愛書，但家中藏書 3格書架數得晒，「我去書局都係打書釘多，真正鍾意嘅作家唔多，所以只會係好鍾意我先會買！」
改造男同學
平時愛睇書少運動，白白淨的 Vani喺水邊跑步顯得有啲唔自然， Vani笑說：「好難跑住又要 chok靚樣。」
生活慳家，但從未拍過拖的 Vani其實不宅，除了經常在系內被人讚靚女外，反而有很多男性同學找她陪買衫， Vani說：「可能我提的意見夠中肯，我又愛睇男性時裝雜誌，所以他們喜歡叫我一齊去買衫，我都好享受嘅，睇見同學仔改造成功，戥他開心。」
純女又順得人，很難相信 20歲女都未拍過拖，但 Vani說：「雖然我不會主動識男仔，我冇公主病呀，可能我學系男仔比較少，始終找不到一個合眼緣，我覺得寧缺勿濫， 20歲都不一定要拍拖啫！」
「爺爺，雖然你的出現只佔我人生約七分之一，但是我對你的思念及尊敬卻是無止盡的。」
「後來，我已經習慣了爺爺的遲到，甚至不想他匆匆趕來，因為每次他總是汗流浹背，而且氣喘如牛。」
童年時 Vani是爺爺湊大，預科時一篇掛念爺爺的作文，獲老師推薦參賽時獲得全港中學「十優文章」，「相信佢在天之靈見到我𠵱家肥肥白白又入到大學，一定好開心！」
U花 U草：
只要是各大專界的靚仔靚女，《 FACE》就會介紹給大家認識。
採訪、撰文：葉浩婷
攝影：何榮亮
化妝： Berry@Brighten Up Image Production
形象： Bryan@the Flaming
服裝： The Emporium
留言列表
