6月初袁偉豪同女友，仲有幾位朋友去布吉旅行。去到 Raya Island，袁偉豪喺沙灘喪跑騷肌，揸機影嘅當然係女友啦！ 

FBI

狂操人魚線　港男袁偉豪布吉騷肌

張家輝變大隻佬成為城中話題，搞到唔少圈中男星都日操夜操，希望有朝一日，有家輝叔咁 fit。好多港男一過 30歲個肥腩就開始現形，唔係個個咁有恆心，不過最近晚晚喺《好心作怪》見到嘅正牌港男袁偉豪，由 07年選完港男卻能 keep住副靚 body，最近佢仲同舞台劇演員女友馬沛詩去咗布吉叉電，喺沙灘大晒 slim fit身材。

 

FBI發現 32歲嘅佢，雖然冇好似選香港先生嗰陣咁大隻，但都叫 keep得住冇凸腩先吖！ FBI問佢有冇諗住影大隻寫真，佢話：「我都想操到好似張家輝咁，但條人魚線真係未練到，費事令人失望啦，遲吓先！」最近傳佢同龔嘉欣撻着，但袁偉豪就同 FBI呻：「其實我係同龔嘉欣幫駕駛學院拍嘢，點知出嚟報道就變咗咁……公司都有問我咩事。（女友有冇鬧你？）咁又冇喎！我哋好信任大家嘅！」


袁偉豪 7月開《飛虎 2》，佢就呻一直忙拍劇，搞到冇乜時間操，所以冇得爆肌，惟有晒吓副瘦身材。 


同龔嘉欣傳緋聞，袁偉豪卻話：「同佢關係只係同事、朋友，唔會撻着。」女友聽到放心晒！

正印甜蜜

袁偉豪只係同朋友去旅行，但就喺 fb鋪咗同女友馬沛詩喺布吉旅行嘅親密相，打風唔甩！

 

《好心作怪》收視平均 27點，最高 29點，成績算唔錯。嚟緊飾演袁偉豪上司嘅萬綺雯仲同袁有唔少床戲，甚至車震，收視應該仲有得升喎！


撰文、攝影： FBI

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄