tvbfun娛樂八掛大放送★

王祖藍認與私生女9成似

王祖藍與張繼聰（阿聰）為新片《怪獸大學》配音，昨午二人更到主題公園落力宣傳。由於近日網絡突然瘋傳一張小女生萌照，相中小女生被指激似祖藍，不少圈中人轉發留言，祝賀祖藍「添丁」之喜。記者談起「私生女」一事，祖藍不怒反笑，還幽自己一默謂：「起碼似足9成，我諗自己生都冇咁似。（聯絡佢？）都有興趣o架，想知佢係乜人，不過就驚真係搵到血緣關係，發現咗啲秘密就唔好啦。」

王祖藍笑指有興趣聯絡激似他的小女孩，更指對方似足自己。

而祖藍與阿聰分屬大學同學，求學時已經常拍住上搵外快，今次合作默契十足，祖藍更當面指阿聰為「怪獸家長」﹕「佢個仔竟然識得講『我靚仔過我爸爸』。」阿聰聞言照單全收，還踢爆囝囝不時有「艷遇」：「我係怪獸家長，做唔到嘅嘢都叫下一代去做，例如我個仔識得黐埋萬綺雯、許亦妮啲靚女度，有次許亦妮問佢可唔可以錫一啖，我個仔竟然答佢：『咁你錫咗我爸爸先啦』。」

搵錢畀晒老婆

對於太太謝安琪早前被拍得購入名車，阿聰謂：「其實係我畀錢嘅，我搵錢全部都畀晒佢。嗰日明明個sales叫我簽名，我諗諗吓叫老婆簽，點知就係咁畀記者影到，我不知幾嬲，我覺得下次自己要高調番啲囉。（車價寫得啱唔啱？）有時寫多、有時寫少咗，上次結婚咪寫少咗囉，下次搵佢哋（指記者）搞先。」

王祖藍嘲張繼聰是「怪獸家長」，而張繼聰亦直認不諱。

文：影視組

王祖藍想起翻版底 

微博圖片

王祖藍同張繼聰噚日到迪士尼宣傳，提到前日有網民喺微博貼咗一張極似王祖藍嘅小妹妹相（左圖），搞到祖藍見到都忍唔住留言話想認親。祖藍噚日話：「真係似到離譜，我懷疑我自己生都冇咁似，我有興趣搵佢出嚟，想知佢喺邊度，佢阿爸阿媽係邊個？真係越滾越大，發現到秘密唔係咁好。真係勁似，有九成似，個女仔都好靚，佢咪就係Handelababy囉！」

撰文：馮仁昭