溫哥華咪神陳偉琪雖然只得 5呎 4吋，但上圍就相當震撼，視覺效果已經贏晒。加上個樣有啲似妍希 BB，背景又乾淨，擺明入硬圍啦！網上圖片
FBI
港姐大熱嫩版妍希 執靚民主黨
今年 22歲、個樣有 7成似台灣女神陳妍希嘅陳偉琪（ Vicky）來頭真係唔細，佢前年選完華裔小姐後，上年就經姑姐介紹下返咗嚟香港，為出戰立法會選舉建築、測量及都市規劃界的民主黨成員吳永輝，擔任形象顧問，幫對方 gel吓頭、揀件靚恤衫咁。讀緊書嗰陣，陳偉琪亦幫過溫哥華市長助選。
FBI仲聽聞，陳媽媽原來做過 TVB幕後一段長時間，所以佢都算叫做同 TVB有啲「關係」。入圍名單點會冇佢份呀？你話有冇內定呢？
陳妍希 
陳偉琪雖然讀政治，但都幾鍾意同明星「集郵」，就連年紀做得佢老豆嘅黃秋生都係目標！網上圖片
陳偉琪上年幫建築、測量及都市規劃界嘅民主黨成員吳永輝做形象顧問。佢話幫對方 gel番個頭，揀番件型仔恤衫，等佢睇落後生啲，可吸納多啲後生選票，不過上年嘅立法會選舉，吳最終落敗。
10/6
港姐首輪面試，陳偉琪其實都有現身，不過佢當日戴住黑超，先至冇人認出佢係華裔小姐。而企喺佢側邊嘅「大眼超蓮」 Jenny，已被叮出局。
陳偉琪 2011年仲喺卑詩省大學讀緊政治系，嗰陣參加溫哥華華裔小姐選舉，得到亞軍。比賽完咗，仲識拉實兩位靚仔筍盤陳展鵬同陳智燊影相， high爆。
全站熱搜
留言列表
