卅度天氣，拎住幾盒外賣等的士嘅錢嘉樂，見冇車，於是穿石板街行落皇后大道中再截。
同你吟一吟
錢嘉樂大鄉里打的
樓上個上市公司主席夫人有司機服侍，自己揸車出入嘅錢嘉樂，泊車當然唔會好似沈太咁手忙腳亂，不過，唔揸車要截的士，嘉樂仔一樣揦手唔成勢。
早排《壹》仔喺中環見到冇揸車嘅錢嘉樂，喺鏞記做完外賣仔等的士，兩點半，唔係交更時間，但等極都冇車，佢於是兜咗過石板街行落皇后大道中。左騰右騰，最終行到去中環中心出面上落客位，嗰度雖然唔係的士站，但有好多的士埋去落客，喺度等車要自動自覺排隊，但亦有部分人唔理咁多，嘉樂仔明顯唔熟架步，成日俾人截胡。
結果由佢買完外賣到上到的士，足足用咗半個鐘。搞咁耐，啲嘢食都凍晒，哈，小心老婆扭耳仔。
全站熱搜
留言列表
